ChinLand Council President Pu Zing Cung Konglam Hi Vun Rel Ve Hmanh

Chin News

ChinLand Council President Pu Zing Cung cu BA a theh ih Falam ah a rak tlung. A pa cu ပညာအုပ်a si ih tlawng saya tuan ding in a fial. lahkhah a ngah ve le an family khuasak nak hrang ah a bawm ding tin a pa nih a duh sak. Amah ih hmailam thanso nak khal ah a thami a si.

Asinan a nih nih tlawng Saya tuan ih poisa ngah hnak in a thangsolomi Tamu peng ih kan lai hnam a si mi pawl hnen ah poisa piakhat hman ngah lo in tlawng Saya kumkhat sung a va tuan ta. Cucu ram a duhdawt ih (lai chin )miphun a duhdawt ruang ah a si.

Tuni tiang a hna tuan nak ah tla hminsiat nak pa khat hman a nei hrih lo. Nu lam ah leh poisa thu lam lek a politic khelh nak ah tla a hmin a sia dah hrih lo. Rin um tak in hna a tuan.

A liam cia kum tampi lai ah CNF/CNA ralkap pawl an harsat lai tla ah a ral kap pawl nih hramlak Ah rawl ei ding in a tuah tik ah an hruaitu a si nak zah in an rawl hnak in thaw deuh mi an pek tik ah a mah lawng rawlthaw deuh le a ralkap pawl thawng bang lo mi ei cu a duh lo. Cu ruang ah an rawlkheng pawl cu a lah theh ih a rawitheh hnu Ah bang rep ten an kheng ah a siam hai hnu ah an ei tlang.

Cuti vek amizia pawl ruangah a ralkap pawl nih Tuni tiang an duh ih an upat nak a Si. Mi hleih dan nak a nei lo. Hruaitu a sih nak advantage a lak dah lo. Miding mi fel a si. Zu leh sa leh nunau lam ah tla hminsiat nak a nei lo. A tangdor ih a puartho fawn lo.

Hruai tu tha a si. Beltcian a dol zet. A mah veh hruai tu tha tampin( LaiChin)mi lak in suak seh lah duh a um zet. Ka hnak in a mizia theitu pawl nih an hmuh Dan an ngan ve cio leh ko ding. Mi dang zohman ka soisel lo. A mah ka hmuh dan lawng ka ngan mi a Si.Catialtu: Duh Luai

Leave a Reply