“Kan Bia Hi Tawi Koseh: Kan Chinram Ah Fimthiamnak Nih Man Angei Kho Ti Lo! Tutan Kan ram thimnak hi zohthan lengmang tikah airawk cang tiah Kan ti cio mi Kan ram cu rawh chin lengmangnak khur ah a luut cuahmah cang hi ngaihchia taktak khi Kan si cang.

Chin mi chungin Bawipa nih Fimthiamnak tampi a Kan peek hna i mah Kan mifim hna cu Kan Miphun nih man ngeilo ah Kan chiah hna, Kan mifim pawl nih ram ser hnaseh tinak in ka party nih ka khua mi pa nih ka peng mi pa nih,ka tlang mi nu le pa nih an dik ah maw diklo ah maw mp a tlin paoh kha a tha ti lungput Kan ngei i mp tlinkhawhnak dingah tangka thazaang tampi hmangin mp cu cawk a sicang.

Atu i hmanthlak i Kan langhter mi pa zong hi video ah tha tein a mah nih a chim i Nld vote dingin thong 10 an ka peek a ti bak Ko. Mahpa bantuk khin khuate kip ah tangka an phawt hna i mp cu tangka in an cawk hna,Hakha Thantlang ah khan an mah agent hmanh nih Henry Vanthio lawng a tling lai tiah an chim Lio ah CNLD an dihlak bak in an sungh mi cu tangka hmangin mp an cawk caah a si Ko.

Cucaah Chinram chungah Fimthiamnak nih Man a ngei ti lo ti hi fiang tein a langh cang caah Kan ram hi cuhlannak in airawk chin cang lai ti hi hmuh khawh mi a si, cucaah Miphun le ram a daw mi caah cun ngaihchia taktak a si ko cang Bawipa sinah thlacamnak in Kan Miphun le ram caah cam cio dingin sawm dih Kan si.