World Health Organization (WHO) Director-General Tedros Adhanom Ghegreyesus nih China ram ah Covid-19 zawtnak karh ti loin an tlawm deuh cang tiah a chim. China ah hin hi zawtnak tihnung a karh rangtukmi kha a tu cu a tlum chin lengmang tiah Tedros nih cun a chim hi a si.

“China ram ahhi zawtnak hrik karh lei si loin a tlum lei apanh cu thawngpang ṭha ngaingai a si. Ramdang mi hna zong nih China rianṭuanning hi i zohchun in i cawn awk a si. Hi zawtnak chungin zeitindah ka kilven lai timi kongah ramdang hna lungthin tiang a thlen,” tiah Tedros nih cun China ram cungah a lunglawmhak cu a chim.

January thla ahkhan WHO hruaitu hna le China nawlngeitu upa hna nih Covid-19 hrik a karh lengmang ti lonak hnga rianṭuan dingin hnatlaknak an rak ngeih. An ti khawh tawk chuah in WHO le China ram hruaitu upa hna an riantuan cu a hung lang ngaingai, China ah zawtnak akarh lei si loin a tlum leitu a tlum. “Ambassador Chen Hai nih cun “An ram i Covid-19 zawtnak a hun i zia deuhnak aruang cu hruaitu hna teimak an chuahnak thawngin a si tiah a chim ve i, vawlei pi cu hi zawtnak hrik doh leiah an ṭan rual ṭinak thawngin China dirhmun cu that lei a panh hi a si,” tiah a chim.

Ambassador Chen Hai nih hin Covid-19 dohnak caah WHO- ah US dollar tam taktak a thawh i, a chimmi cu atu hi lungreitheih vansan au caan a si lo i lungrual tein pumkhat in rianṭuan ti caan a si cang, tiah Chen nih hin achim. China ah Covid-19 zawtnak a in zawmi caah tiah caan khat chung sizung 16 an saakmi cu nikhatni ah khan khar an si. Cu caankhat chung ca sizung 16 an saakmi ah hin February 5 in khan mizaw 13,000 an zohkhenh manh hna i atu ahcun an khar cang ti a si. Vawlei cung ah hi zawtnak a ngeimi hi minung119,248 an tling cang i, minung 4,300 an thi cang. Cun hi zawtnak chungin a dammi hi minung 66,581 an um cang ti a si.