China ram i zawrtnak tihnung taktak a chuahnak Wuhan khuapi ah a taangmi kawl nute pakhat a thiltonmi le adirhmun a chimmi cu zaangfak taktak a si. Coronavirus ti a lar ngaimi le vawleipi nih a ttih ngaimi Wuhan Virus cu a karh chin lengmang cang. Minung 132 leng nih an thih pi cang i mizaw zong an tam ngaingai ti a si.

Wuhan khuapi ah Myanmar mi sianghngakchia minung 60 hrawng an um i a tutiang ah cun Wuhan Virus zawtnak hrik a ngei lo nain kawlram ah an tlung an kho rih lo. Ramkip ah hi zawtnak hi ahman dih ngawt cang. Wuhan khuapi ah a taangmi kawl nu Thin Thiri Thant Zin nih a facebook a tarmi cu ”Kannih zong myanmar kan si, zaangfahnak tein kan bawm ulaw kan rak khamh hram uh. Tlun kan awnh hram uh. A hlan ah cun vanalwng le sizung zong a um cia ko nain China nih a sian lo ruangah kan rak ra kho lo an kan ti. Kan dirhmun a ttha lo ngaingai.

Ramdang mi hna cu vanlawng chungah siibawi pahnih an chiah hna i sianghngakchia pawl an lak thluahmah hna. Kannih cu a tu ah ca kan ap lawng asi rih i zeitik ah dah kan tlun khawh te lai ti zong kan thei lo. Ka ttah tuk nakah ka lungzong mit dih cang i zaan zonga ka hngilh kho lo. Ca in cun nan zarkhat chung nan ei- din ding kan i kuat hna an ti nain an kuatmi atu tiang kan kut cungah a han lo. Kan tlun khawh lo ding a si ahcun kan chim ko uh. Ka tlun khawh ding a si le kan chim ko uh. Myanmar kan si, zaangfahnak tein kan bawm hram uh, rak kan chuah hram uh” tiah ngaihchia ngaiin ca a tar.