China Ralkap nih a thil tein an chiah mi thlithup Cazin pawl cu an phozar piak hna i Cozah nih Covid-19 mizaw Cazin an langhter mi zong fiang in a lang dih ti a si. Cozah nih vawlei mipi theih in an phozar mi Cazin ahcun mizaw an tlawm ngai, a si nain a tu ralkap thlithup Cazin an phozar piak hna cu a lat tam taktak in mizaw Cazin an rak tam ti a si.

Hi Cazain hi China Cozah ralkap Sianginn pakhat nih tutan zawtnak kong he tha tein Cazin an tuah mi a si. Cozah nih a langhter duh lomi a si nain ruah lo pi in mipi sin ah a phan sual i China Cozah zong mualpho taktak in a hun um hi a si tiah Shwewiki timi nih a tarlangh.

China Cozah nih vawlei mipi sin ah thawngthanhnak an tuah ning ahcun “China rampi dihlak huap in Covid-19 zawtnak a ngei mi Cazin hi 84029 lawng a rak si. A si nain a tutan Ralkap Cazin an phozar piak mi hna ning ahcun, Covid-19 zawtnak a ngei mi dihlak hi 640000 (Tingruk le Thongsawmli) leng an si” tiah an chim.

China Cozah nih hin vawleipi hmai ah a mualpho lai a phan tuk caah Cazin dik taktak hi a rak langhter lo, mizaw Cazin hi a tlawm khawh chung in a rak langhter, a si nain China Cozah, ralkap lei nih Cazin an tuah mi cu mipi sin ah ruah lo pi in a phak sual tikah cun China Cozah lih a chimnak cu vawleipi nih an hmuh tthan ti asi.

Tutan ralkap lei cazin an tuah mi hi a luancia February thla in khan China ram khuapi 130 chung
ah a um mi, khuapi le pengkulh kip mizaw cazin an khomh mi a si. Ralkap lei nih Cazin an tuah mi hi a felfai ngai ngai i Covid-19 zawtnak an i chawnh biknak hmun pawl zong felfai tein an langhter i a bik in Tlanglawng dinhnak, KFC Dawr, Super Market, Hotel, Rawldawr ti bantuk in zawtnak aa chawnh mi cazin tiang in an langhter dih ti a si. V.O.M