China Nih US He An Karlak Pehtlaihnak Vialte Hrawh Dih A Timh

US cozah nih Taiwan sinah raltuknak hriamnam zuar a timhmi cu a doh lo caah China nih a timi cu, Taiwan sinah hriamnam a zuar taktak ahcun US kan i pehtlaihnak vialte kan hrawh dih lai’ tiin Chinese foreign ministry nih a chim. Hi kongah Chinese foreign ministry nih thawngthanhnak cathanh cuah in; China cozah China company hna nih chawhlehtlahnak hmangin pehtlaihnak vialte hi, US nih Taiwan sinah hriamnam a zuarmi a tlamtlin ahcun hi vialte hi kan hrawh dih lai,”tiah a chim fawn.

Kan theih bantukin China le US i a hramthawk tein a ttha ti lo i, Taiwan sin hriamnam zuar dingmi nih a van thuatchih tthan tikah an karlak chiat lei a panh chin kho mi a si. Khat leiin kan hnu zarh ah khan Pentagon nih le US State Department- nih Taiwan-nih hrimnam cawk dingin a halmi cu cohlanpiak a si cang tiin thanhnak an rak tuah ve. Taiwan nih hin US sinah hriamnam a cawk ding mi cu 108 General Dynamics Corp M1A2T Abrams tank le 250 Stinger missile hna hi cawk a timhmi si. Mah hriamnam hna hi Raytheon sermi an si.

Hi kong he pehtlaiin Chinese foreign ministry biachim tu Geng Shuang nih cun hriamnam zuar hi international phungbuar a si pinah China nawlngeitu hna le a national security tthihpheihnak le zeirel lo pakhat a si. Mah ruangah China cozah le company- hna nih an cohlan lai lo caah US company- hna he chawlehtlahnak an tuahmi vialte cu an hrawh dih lai,”tiin a chim ve.

Taiwan hi China nih amah ram bantukin a ruahmi a si i, mah ruangah US he an i pehtlaihnak kongah issue biapi a si lo nak kong cu a chim bal cang. A luancia zarh ah khan US- nih Taiwan President Tsai Ing-wen an ram tlawn dingin a cohlan mi zong a let tthannak a si.