Admin||05|Biangreithlep 10|2020|| Vuleipi lungreithei vansang ruangmang in a tuahtu Covid-19 zawtnak hi US nih Vaute thla in khan ton hram ai thawk ve. Cu tikah ruah lo tuk in a hung karh i Medical Supplies ah millions bakah hnawhhnam in China thil a laak. China sinin a laakmi cu (N95- style Mask) N95-style hmaihuhnak a si. Asinain cu hi N95-style hmaihuhnak a laakmi cu America Front line rianṭuantu pawl nih an hman tikah aṭhat zeihmanh a um lo cun Covid-19 hrik zong a kham lo tiin The US Food and Drug Administration nih hman lo dingin a khap.

The US Food and Drug Administration hna nih N95 style hmaihuh China sinin an laakmi China nih a serhcuahmi nih hin Corona Virus ven ding a veng/kham kho lo tiah an chim. Hneksaknak an tuahnak ah N95 hmaihuhnak nih zawtnak a thianter a kham khawh bantukin China nih a sermi N95 nih hin zawtnak zeihmanh a kham (filter) kho loh tiah an hmuchuah i hman ti lo dingin an khap phah.

The US Food and Drug Admnistration hna nih China firms (chawlehnak) 80 authorized thil ser (manufacturer) hna lakah 65 company (serchuahmi a onhmi) cu a phihpiak diam. Cu China nih a sermi N95 hmaihuhnak cu sizungah zeimawzat an rak hlut manh cang tiah theih a si. China nih dik lo tukin US cungah thil a tuah caah a tu bantukin US nih China thil chuahmi (company) 65 hna cu a serchuak le laak ti lo dingin a phih piaknak hi a si. Dailymail