Admin||04-Vaupi 24-2020|| Coronavirus nih a chuah pimi harnak kong he pehtlai in China nih Myanmar a bawmhmi cu a tak kho taktak. China Eastern Airlines in Yangon International Airport ah Boeing jet nih a tomtom bak in a van thlak ko. An thanhning China nih Myanmar an bawmhmi hi yuan 4 million (kyats 807.2 million) renglo man bak a si tiah an chim. An bawmhmi hna hi hneksaknak thilri pawl le sii he ai pehtlaimi pawl an si. Cu lawng si rihlo in China Yunnan Province in sii lei mithiam minung 12 hna nih an fiamthiamnak he ni 14 chung bak an caam hnawh hoi hna.

Myanmar Health and Sports Minister Dr. Myint Htwe zong nih hi bantuk in Chinese specialists pawl Myanmar ah a rak tlungmi sin ah lawmhnak bia zong a chim. A bik in an mah mipum le fiamthiamnak lawng silo in a herhmi thilri pawl he an kan zuanhhawhmi cung ah kan i lawm hringhren. Hi thilri an kan phurhmi hi mi tampi hneksaknak kan tuah khawh hna lai tiah a chim.

March thla donghlei ah khan coronavirus nih hin Myanmar ram cu a rak phanh ve. Thawngpawng theih a hung si le cangka in a cozah nih a dangte ah chiahnak le mipi inn ah i erh le mipi he neihniam in khuasaklo ding in thanh colh a si. A sinain ramchung ah i thlawpbulnak le zawtnak hneksaknak thilri hna cu a tlam a tlinglo ngaingai. Cacawn ningani tuchun tiang ah Myanmar ramchung ah hin minung 139 nih hi zawtnak hi an ngeih cang ti a si. Cun hi zawtnak ruang ah hin minung panga an nunnak a liam cang tiah an chim chih. Ref: Irriwaddy

Note: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevening page ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak ko.