China President XI Jinping cu Myanmar ram a tlun tan ah Myanmar ram tthanchonak caah tiin kum 3 chungah hin Yuan Billion 4 (US Dollar Million 600 renglo) bawmhnak a pek lai tiah Tangkawng (January) 18 ah chimnak a ngeih.

Cu bawmhnak hmanning konghe pehtlaiin hruaitu pakhat a simi U Than Aung Kyaw nih a chimmi cu ” Tangka (bawmhnak tangka) hmannak ding hmun cu kan chim tthan te lai. Fimnak leiah maw kan hman lai siloah inn saknak caah maw siloah tthanchonak lei caah dah kan hman lai ti cu kan ram hnih in chim caih tinak kan ngei tthan lai,” U Than Aung Kyaw nih cun a chim.

China nih kawlram hi innn saknak, fimthiamnak, thlaicinnak, ralzaam hna le pawngkam harnak tongmi maw thil rawkmi maw remh tthan caah tiin 2014 kum in 2019 kum tiang Yuan Billion 4.9 a rak bawmh cang tiah theih a si. A tu i bawmhnak an hmuhmi zong hi zeihman bawmhnak caah dah an hman lai ti cu chim phuan a si rih lo.

Tutan China President Xi Jinping tlawn ahhin bawmhnak kong cu um rih seh. Myanmar (kawlram) he rianttuan tti dingin lungtlinnak ca 33 an tuah tiah theih a si fawn. China hi kawlram hawikom ttha taktak cu a si ko. Kawlrampi hi ramdang nih kahdoh si sehlaw China nih hin a dirkamh hrimhrim lai.