China Nih Kan Thilri An Fir – John Bolton: US National Security Adviser John Bolton nih cun Kiev khuapi, Ukraine ah “China nih US thilri fir in Fifth generation jet fighter an siam” tiin China cozah cu fir a puh hna. Fir a puh mi hi China nih a ser thar mi J-20 stealth fighter hi a si kho men? China sermi J-20 fighter hi US sermi F-35 he aa khat tiah a chim. Sinain zeibantuk dah hmanrua dah an fir timi belte a chim chih lo. Cockpit, Engines or Wings dah a si hnga?

China nih hin raltuknak vanlawng sernak dingah US sinah thilri an cawk mi a um i, mah pawl zoh chun cun China thil tuah mi a tlaihnak hi si kho! China nih hin Ukraine ram i vanlawng engine siamnak, company lian bik cu cawk a timh ti chim si i, mah hi hlan i Soviet Union chan lio i, USSR vanlawng part siamtu lakah pakhat a si ve. Soviet Union a tlakchiat hnu ah mah Ukraine ram i Aviation Industry hi tlakchiat lei a panh tiah chim a si. Sinain US nih cun China cawkter lo dingin Ukraine hi a chimh cang.

Khat leiin Turkey cu US cungah a lungtling kho hrim lo, US nih F-35 cawkter a sianh lo a si ahcun Russia siam Su-35 cawk an duh cang tiah President Reccep Tayyip Erdogan nih a chim. Turkey nih hin F-35 stealth fighters 100 leng cawk a timh i, mah chungah Russia siam S-400 anti-missile US$ 2.6 million man cu ser leiin a cawk caah ser leiin a cawk in a cawk hrimhrim tiah US thinhung in F-35 hi cawkter a duh lonak hi si.