China Cozah Nih Ni 10 Chungin Siizung An Saknak A Ruang Taktak Theih Si Cang: A hmasabik ah mipi careltu hna sin ah theihternak tuah kan duh mi cu hi konghi a relcang mi zong kan um kho men. Asinain a relrih lomi hna caah kan vun langhter mi asi. Hi kong hi video bak in an chimmi ca in kan vun ttial mi a si.Bia dik a si le silo cu pumpak cungah a ummi a si. Tulio zawtnak konghe pehtlaiin hitihin a langhter. Keimah hi Chinese Military Intelligent ka si i, caan saupi attuan cangmi ka si.

Hi rian ah hin dirhmun sang ah a ummi ka si. Culawng siloin Chinese Commuinist Party ah hin chungtel member zong ka si.Cozah ah abiapi ngaimi pakhat ka si ruangah cozah biathli tampi zong a thei vemi ka si.Hi cozah biathli ah hin kaitel tumnak zong tampi ka ngei ve tawn.Cozah biathlithup ah hin mipi nih theih khawhlo dingmi biathlithup biapi zong a um tawn.Vawlei cungah atthawngmi US he hin biatak tein Tuluk hi aa zuammi kan si i, kan i zuamcawh lengmang tawn.

Asinain kan biathlithup pakhat tu cu hihi asi.US he hin a chunglei ahcun biatak tein rian kan ttuanti i,ramdang mi hna sin in i vennak ding hi a si deuh tawn.Kanmah Tuluk cozah nih caan saupi chung kan buapi cangmi technology asang taktak mi pakhat cu kan hmuhchuah.Cu thil kan hmuhchuahmi cu biatak tein rian attuan dingmi le a tthahnem taktak mi asi zong kan zumh.Cucu zeidah asi? Cu thil kan hmuhchuahmi cu minung cungah biatak tein rian attuan khomi le minung thinlung athleng hrawk khotu technology sang taktak mi asi.Asinain hithil kan serchuahmi hi mipi theih dingah tlang kan zarh lo.Aruang cu kan biathlithup mi asi caah asi.Cuthil kan sermi cu a tthawngtaktak mi si ai asi i, rim zong a ngeilomi le thlitu lak ah akal khomi a si.Cu sii cu amin ah Agent tiah kan ti tawnmi asi.

Voikhat cu Hong Kong khuapi ah cozah duhloin lamzawhnak fakpi in an tuah.Cu ahcun ruahnak kan ngei i kan sermi thilcu mipi hna sin ah thlah kan timh.Kan sermi Sii testnak ah caanttha ngaimi thil asi.Nain Hong Kong cu mipi an tambiknak le Khualtlawng minung an tamnak a si caah kan sermi sii test ding cu risky taktak asi tiah kan ruah caah kan i let tthan. Kan sermi sii cu test kan duhtuk ruangah test kan timhnak thinlung cu atlau kho hlei lo.Hi thil testnak dingah hin minung tampi aharh mi a si.

Biatak tein ttuan kan timh lio ah vanthat ah kan duhmi zat minung cu kan hmuh khawh hna. Minung kan hmuhmi hna cu testnak ngeih dingin Jinjiang Province ah kan kalpi hna. Anmah pawl cu Lih hmangin kan hlen hna i, Islamic Radical cozah ralhrang training pe dingin kan ti hna.Cu kan hlenmi hna le kan hruaimi hna sin ahcun kan sermi Sii cu kan hman ruangmang.Asinain kan i ruahning in thil akal ti lo, aphi kan hmuhmi cu a ttihnung taktak mi a si. Mah le mah i thah duhnak le cancer zawtnak thinlung tlamtlinlonak tibantukin thihnak achuak.

Cu tikah kan sermi si cu hman atlak lo tiah kan vun theih.Cu kan sermi cu kan hawi American hna nih an rak theih.Cuticun American nih an vun kan hal.Asinain ttihnung thil asi caah kan sian hna lo, attihnung ning thei hna ssehlaw aa kan hal lem lai lo.Athlithup in US nih kanmah researcher pakhat cu tangka tampi hmangin an rak lem soi khawh.Athlithup in pekchanhnak an tuah lio ah kan theih hna i, cu ruangah kap hnih karlak ah fakpi in i tukdohnak a chuak i, kap hnih a thimi tampi kan um hna nain media ah thanhnak tuah asi lo aruang cu biathlithup asi caah asi.

Kan i kahnak hmun hi Wuhan sattil zuatnak pawngte ah a si.Cu kan i kah lio ahcun kan ram ahlawtu sii kan sermi US sin ah zuar atimmi pa nih aa kenmi sii cu akhuai sual.Cutikah zawtnak ttihnung kan sermi sii agent tiah kan timi nih ttihnung thil achuahter lai timi cu fiang tein kan theih khawh dih i, rianrang in Wuhan khuapi kalumnak cu asi khawhchung luhlo dingin kan kham colh.Adam khamhnak sii cu biatak tein kan i zuam colh i, cu chungah keimah zong kai tel ve.

Asinain atthawngtuk mi Sii asi caah khamh khawh dingmi thil asi lo tikah minung tampi zawtnak an ngei minung tampi an nunnak aliam i, ram mipi hna fahnak an tuar.Cu tikah Media hmangin lihbia kan thanhter hna.Hi zawtnak hi Coronavirus tiah mindeu kan phuah i kan thanhter hna.Cu thanhnak kan tuahter hna cun Coronavirus tiah vawleipi ah a hunglaar cang.Alaar ding hrimhrim asi ko a thilti khawhnak kha ttihnung taktak asi. Hi zawtnak nih chungkhar nuamte in a ummi hna zong a tthenter hna.Thihnak nih chungkhar atuah hna, Ngeihchiatnak achuahter.Coronavirus hi a um hrimhrim a um lomi asi. Min deu kan phuahmi asi i, mipi kan hlenmi hna asi.Culawng lungtlin loin ralkap tampi hna cu sizung ah kan kalter rih hna i, sibawi te hna cu tlangrai zawtnak angeimi hna cu Coronavirus asi tiin nan thanh hna lai tiah kan ti rih hna.

Zarhkhat aliam hnu cun khuachung ah ruak tampi an um hna, zeitin kan tuah lai ti zong kan thei hna lo.Khualeng ah hmunkhat ah ruak hna cu phum dih dingin kan ti hna nain ruak atam caah hmunkhat i phum ding cu asi kho ti lo.Mithi an tamning hi khuaruahhar khi asi. cutluk minung tam athimi hna cu mipi sin ah tlawmte lawng an thi tiah kan langhter hna.Nikhat hnu nikhat mithi an tam pin ah zawtnak angeimi sizung ah tampi an karh cuahmah. Culio ah kan bia angai lomi Dr Wen Liang nih coronavirus asi lomi timi atheih i, coronavirus thlop in a thlop duh hna lo.Cu tikah hruaitu lutlai hna nih an theih i, mithi hna chiahnak hmun ah kan kalpi.Kan i ruahning ahcun mithi sin ah hin zawtnak angei lai i, a rauh hlan ah a thi ko lai tiah kan ruah nain zawtnak cu khuaruahhar in aa chawnh kho lo.Athih hrimhrim ahau ti asi caah People Arm Police hna nih sii an chunh hnu ah a cuap ah rian attuan i a nunnak aliam.

Asinain mipi theih ahcun coronavirus in a nunnak aliam ti asi.Hi bantukin thilttha lo kan tuahmi ka ruah tikah ka ningzah ka celh lo.Asinain ram caah pei rian ka ttuan cu tiah ka hnemh hi atam ngaingai tawn.Dr Li kha zeitindah kan thah khawh, mikip cungah thinlung dihlak in rian a ttuanmi asi i, dawtnak le zaangfahnak thinlung he a theihbal lomi hna zong dawtnak he a zohkhanh hna. Kan thiltuah hi mipi nih thei hna sehlaw ti ka ruah ah ka celh lo i, ka lung zong a nuam lotuk hringhran.Thil kan tuahmi vialte ka ruah ah hin ka lung anuam kho hrimhrim lo. Cutikah ka nupi cu thil sining vialte tlamtling tein ka chimh dih. Asinain kanupi nih cun aho sin hmanh ah chim hlah, na chim asi ahcun kan nunnak caah ttihnung taktka mi thil asi lai.Cucaah hohmanh chim hna hlah tiah aka ti.

Kannih cu cozah riansang attuanmi kan si caah kan ngandamnak hi biatak tein aa kan zoh lengmang.Mask zong hi a bik in sermi zawtnak akham khomi hi pek kan si. Adang an hmanmi pawl nih hin tulio zawtnak hi pakhat hmanh a kham kho lo. Zawtnak akham khomi Mask cu minung tlawmte lawng nih kan hmanmi asi.Mipi hna nih cun mask sawhsawh an hman i, an kut thiangtein an i ttawl tawn. Asinain hi thil nih pakhat hmanh akham lo.Nikhat khat ahcun kan umnak pawngkam hna zongah mithi ruak tampi an um te lai.

Cutikah biadik taktak cu i uam khawh loin biadik taktak cu theih asi te lai i, nikhat khat ahcun biadik a fiang te thiamtthiam ko lai.Cozah nih lih in thawngpang atthanh tthan hoi i, adam lomi hna caah tiah sizung cu ni 10 chungah an sak dih. Hi sizung hi achung sining taktak cu ttihnung ngaimi thil asi.Cozah nih mizaw chiahnak le zohkhanhnak caah Ni hra chungah sizung cu an sak khawh i, vawleipi zong nih an thangtthat asinain a chung thilri sining pakhat hmanh an theih lo caah asi. Ni 10 chungah an limsak mi sizung cu sizung taktak asi lo.Hi an sakmi chungah thilri a cangmi cu mikip sin ah an thuhnawhmi biathli taktak a si.Keimah zong nih a hramthok ahcun mipi hna caah cozah nih a sakmi sizung ah ka ruah tawn.Asinain arak si nemmam lo.Keizong nih zeiko dah asi hnga tiah fiangtein theih ka duh cuahmah lio ah biathlithup theihnak caan ttha ka vun hmuh ve.Voikhat cu kan lutlai pa nih cu ka hmun kal dingin a ka thlah.

Police officer pakhat Corporal Meng nih a ka hruai i, zawtnak lak ah ka him khawhnak dingah Mask a vuahter.Kan Mask hmanmi hi fawite in hmuhkhawh ding le cawk khawh dingmi pakhat hmanh a um lo i, sizung ah rianttuanmi tthenkhat hna zong nih an hman khawh lomi Mask asi i, kanmah ca lawngah sermi Mask asi.Keimah lawng siloin ka nupi le kafa caah hin nifatin a thar lengmang an rak kan pek tawnmi asi. Mask i vuah bu cun officer corporal Meng he cun a chungah cun kan kal.Achung ahcun sizung bantukin an ser dih i, damlo mizaw hna ihnak ihkhun bantuk hna zong an chiah dih.Cu ka ahcun zawtnak angeimi minung tam taktak an rak um hna.Cu hna pawl zong cu zawtnak angeika mi lawngte an si hna i, an zawtnak afah ruangah mitthli he an ttap hna.An zawtnak cu ahram athokka te lawng asi rih.

Cu ka hmun aka zohpi hnu ahcun khandang apin deuh achung deuh ahcun aka kalpi tthan.Cuka hmun ahcun thinlung abuaimi tampi an rak um hna i, mihrut umnak hmun bantuk le a rimchia taktak mi hmun asi. Cu hmun ahcun Sibawi pakhat taktak hmanh an rak um lo, Hi bantuk ralkap kan ngei ti zong ka theih ballo mi ralkap hna nih cun an rak um hnawh hna.Cu ralkap hna nih cun lungdi riam ngaiin tuah hna sehlaw alo ko. Cu bantuk thil ka hmuh ahcun ka khuaruah zong ahar dih.Damlo mi hna nih mithlihe hngakchia bantukin zaangfah nawlnak an tuah hna nain cu ralkap hna cu an hnakhaw huhpiak bantukin an i theihter lo.An i putmi fung cun biatak tein an tthuat hna i, an mit ah hmathak an kah hna i, an kedenbuk in an chuih an lamh rih hna.An thiltuah ning hi ttihnung tuksuum khi asi.

Keimah zong ralkap minung ah an ka ruah caah an thiltuahmi hna cu pakhat hmanh thuhnawh an tim hna lo.An tuarnak hna cu zoh lengmang dingah ka thinlung nih a celh lo.Room pakhat ah ka lut i, thlalaang kai bih, Hi hna pawl bantuk minung hi na si maw na si taktak ko maw tiah biahalnak ka tuah.Cu hnu ah khandang ah aka kal pi tthan.Cuka hmun ah ka hmuhmi thil cu ka hmuhmi vialte lakah ttihnung le tuuksuum bik asi ko lai dah ka ti.

Mithi ruak relcawk lo hna cu an tiang i, ttuang in cunglei tiang an thuat dih hna.Mithi ruak hna cu nu le pa zong thleidang loin room chung cu a khat dih.Cuthil ka hmuh tikah ka thaw zong chuah kho lo dengin ka um ko rua ka ti.Ka chim khawhmi cu mithi ruak kha an tamtuk ti lawng hi asi ko.Cu athimi ruak hna athi lomi hna nih ttah bu in amuihnak lei ah an hlonh thluahmah peng hna. Cu mithi ruak atthialmi hna cu ralkap hna nih an tuk an den rih hna.Cu mithi ruak pawl hna cu mipi theihlo ding le biathlithup mi thil asi caah an khangh hna.Mah hna cu zaangfahnak thinlung he kei nih cun a cuanhte in ka cuanh hna.Cuti ka um lio cu corporal Meng nih a ka zoh i, anih mit au cu keimah mit au he aa dang ngaingai.Ruak an khangh hlan ah an thilri mansung hna cu an lakpiak dih hna.

Cu tikah zeicaah dah hi thil hi nan tuah tiah Corporal Meng cu ka hal.Cozah nih ahmanmi tangka rulhnak caah asi tiah aka leh.Ka umnak cun Bathroom ah ka lut i, ka luak tiangin ka va luak.Ka vun kir ahcun mitsen sen in corporal meng nih cun aka zohchih.Cuticun inn lei ah keizong cu a ka thlah tthan.Kum a vun liam i, zawtnak cu vawlei cungah ahungkarh i, hi virus nih minung athahmi hna cuu an karh chin lengmang cang. Cutik ah cozah nih biathlithup atuahmi vialte cu media hmangin tlang ka vun zarh dih.Hi thil biathli ka thanhnak hi aruang um loin ka tuah mi a si hrimhrim lo.Zeiruangah mah minchiat tiang cun hi thil ka tuah duh lai?Hi thil tuah duhnak lungthin ka ngeihnak aruang bik cu hihi a si.Voikhat cu an rak tuah tawn bantukin kan ngandamnak kong arak kan checktu le Mask a vun kan petu hna cu an rak ra tthan.

Cu ahcun ka zumh lo bikmi thil cu a vun chuak ruangmang.Kan fapa cu coronavirus angei timi kan vun theih i, kan khuaruah zong ahar dih.Zeitindah hi zawtnak hi angeih ning asi timi cu ahnu deuh ah kan vun theih tthan.Nifatin Mask a rak kan pe lengmang mi hna nih Mask an hmancia mi kha an rak kan pek caah asi.Mask hi hmancia mi cu zeihmanh santlaihnak angei lomi asi. Cu kan fapa Mask a hmanmi cu police officer pakhat nih a rak hmancia mi Mask arak si.Kan thin ahunnak bik aruang cu Mask hmancia mi aa kan pek mi kha tuahsualmi arak si lo.Timhciammam tein an rak kan pekmi tu kha arak si.Kei cu special Mask an kan pek lio ah ka fapa cu hmanciami tu an rak pek.Cu ruangah coronavirus angeihnak cu a si.

Zeibantuk thilhmanh cang sehlaw kan fapa cu anu he kan dawttuk mi asi caah zeitik hmanh ah kan hlaw lai lo.A nu he biakamnak kan tuah cang bangin zeitik hmanh ah kan fapa hi lih kan chim lai lo i, kan dawt penglai.Kan fapa zong nih ka dam lo maw tiah akan ti tawn.Asinain lih kan chim duh lo i, biadik taktak cu kan chimh. Ka fapa nan zawtnak azualtuk cang tiah kan chim i, akan halpeng, na tha kho tilai lo ti tiangin kan chimh ahau cang.

Na thi colh lai ti tiangin kan vun chim. Hngakchiate asi nain kan biachimmi cu a vun tleihkhawh.Hi thil a um ruangah biadik cu ka chimnak asi.Hi bia ka chim ruangah an ra lai i, an vun ka tleih colh ko lai sinain a poi ka ti hrimhrim lo. A ttih zong ka ttih hlei lo.Vawlei cung mipi theih in ka phuan hlan ahcun ka nupi zong ka relter dih i, thilsining vialte zong ka chimh dih. Cu biathli vialte hna cu ka nupi lungtlinnak in vawleipi theih in ka vun phuan hi asi.

Note: Mah cabia kan vun langhtermi hi kanmah nih kan ttawn chommi le kan phuah chommi asi lo. Chin Post nih an thlah i, cabia in kan vun langhter mi asi. A video in an chimmnak cu Chin Post timi page ah ngeih le zoh khawh asi. Video an chimmi chungah ttial leh palhnak tampi a um lai aruahzia kan thiam hram uh tiah nawlnak kan vun tuah chih duh.