China ah Tlangvaal Cung Bik a tlau Chungkhar lungrethei vansang in a um

Chin News

Myanmar in China ram ah kuli rianṭuan dingin a kalmi tlangvaal Cung Bik cu a chungkhar nih kum 1 chung an pehtlaih khawh ti lo caah lungrethei in an um ko.Tlangvaal Cung Bik cu Hanthawaddy in 2016 ah China ram, Shweli khua ah kuli rianṭuan dingin a rak i thawh.

A hmasat ah cun, China ram a va phak hnu ah a chungkhar he tluang tein an i pehtlai kho ko nain July, 2019 thawkin atutiang a chungkhar nih an pehtlaih khawh ti lo hlei ah, a umnak zong hngalh a si lo tikah, a kalnak hmunhma zong an thei loh.

Tlangvaal Cung Bik cu kum 17 a si i, an chungkhar in Hanthawaddy ah khuasa mi an si. Amah hi Pu Khen Tling le Pi Man Ki hna i an fapa asi i a upa pakhat Biak Hnin cu Malaysia ah a um. A upa Biak Hnin pehtlaihnak zong kan rak chiah chih.

Tlangvaal Cung Bik a hmumi le a umnak thei, hngalmi nan/kan um ahcun a upa Biak Hnin phone number +60 183 583 671 ah thawngthanh dingin zaangfah kan in nawl hna. Dam tein an hmuhnak hnga thlacamnak in bawm cio dingin kan in sawm chih fawn hna. Chirhchan-Vapualauaw

Note: Chungkhar nih a rauh hlanah thawngpang ṭha an theih i an hmuh zaunak hnga SHARE cio bawm cio hna usih!

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin

Leave a Reply