China ram Shweli ah Chinpa pakhat cu inn cungin a tla i a nunnak a liam tiah theih asi. Cu lawng hmanh si loin a chungkhar zong theih a si lo cucaah share in rak bawm cio uh! A konglam an theih cangka bakin Kalaymyo ah a ummi Chin Community sinah theih a si i a min hi Lin Lin ti a si i a min pa ah Baa Maa ti a si.

1999 January (Tangkawng) 1 ah a chuakmi a si i kum 21 minung a si i hi bantuk thil a hung um tikah Kalaymyo palik sinah atubantukin ca a phanh hi asi. Amah cu Tangkawng (January) 17 i ah a thi cangmi a si i a chungkhar nih a ruak an phurh duh sualah tiah a chungkhar pehtlaih khawhnak ding caah tiin an chungkhar an kawl cuahmah lio hna asi.

Tlangval Lin Lin a chungkhar a theimi nan sual ahcun Pu Kap, Central Chin Community President sinah chimhnak le thawngthanh khawh a si. Pehtlaihnak ding a phone a number zong kan rak chiah. Pehtlaihnak number 09400309263 ahhin pehtlaih khawh asi. Thazaang chuah in bawmchan cio hna usih.

A ho cio paoh kan si ah hibantukin kan Chin miphun chungah ngaihchiatnak le vanchiatnak kan tong tikah pakhat le pakhat i a dirkamh hna hna usih law i bawmhchan hna usih. China ramah kan chin miphun kan fa kan nau le zeimawzat rianttuan in a ummi i cu hna zong nih Lin Lin a theimi nan um i a chungkhar nan theih sual ahcun pehtlaihnak kan chiahmi ah hin pehtlaih khawh a si.