Tuluk communist cozah nih Wuhan khua emergency sizung i doctor a tuanmi, Dr.Ai Fen cu an tlaih tiah bia a chuak. March 30 ah khan Australian TV pakhat nih “current affairs programme 60 Minutes” timi nih an phuan, Tuluk communist cozah nih conronavirus kongah Tuluk doctor tampi cu an ka a phih hna pin ah information vialte censor an tuahnak kong vialte cu Dr. Ai Fen nih Ren Wu magazine ah a phuan hnu ah atu bantuk in a tlau diam hi a si. Tuluk cozah nih Dr. Ai Fen interview an tuahnak TV le Magazine zong a phih ter dih cang hna. Mah kong cu US hrambunh Radio Free Asia zong nih a dikmi a si ko tiah an fehter.

Tuluk ram ah hin Facebook hman khawh a si lo caah Tuluk cozah nih an sermi social media pakhat a simi Weibo ah in Tuluk cozah dohnak tete a pawt lengmang ti a si. Mah ruangah journalist minung pathum le politics kon a chimmi commentator minung pathum zong an tlaih cang hna. Tuan deuh zongah Dr. Li Wenliang nih coronavirus kongah Tuluk cozah a soisel i, thong an thlak. Amah zong Virus in a thi beh. Reporters Without Borders (RSF) calls on the Chinese authorities to urgently clarify the situation of Dr. Ai Fen, a whistleblower who has been unreachable for the past two weeks after giving interviews to the media in which she criticized Beijing’s censorship of information about the coronavirus e. Credit: Salai Lairamthang

Relchih. PALETWA LEI BUAINAK A ZUAL: Kawl ralkap pawl le Arakan Army (AA) pawl i do le kahnak ruang ah Chinram thlang lei Paletwa le Yakhaine ram chung i a ummi kan unau hna vansang au in khua an sak lio a si. April 7 ah Kawl ralkap nih vanlawng in Nan Chawng Wah khua ah bom in an kah hoi hna i minung 7 nunnak a liam i minung 9 zual hma ngai in hliam hma an ing tiah thawng theih a si. AA kut naak in Kawl ralkap kut in minung tam deuh an thi cang ti khawh a si.

Thlanglei Chinram le Yakhaine ram chung ummi kan unau hna hi lung kar le lung kar i arti pum chiahmi bantuk dirhmun ah an um cang. AA lawng si lo in Kawl ralkap hrimhrim zong nih khua chung a si ti an hngalh ko bu le AA an um lo ti an theih bu zong ah bom in an kah chih lengmang hna tikah ral pahnih kar i thih le nunri karlak i an umnak hi si.

Ei le din ding kong cu chim lo an nunnak hrimhrim hi a him ti lo i an inn le lo chuah tak dih a hau cang. Atu hi Paletwa khua chung ah inn le lo ngei lo in minung 3200 renglo an um cang tiah theih a si. Minung 3200 hi ram chung le ram leng lei Chin miphun dihlak nih biatak tein zuan hnawh cio an herh cang. Kawl cozah le Chin cozah lawng nih an zohkhenh kho hna lai lo. Chinmi dihlak hrimhrim nih zuan hnawh le zohkhenh an hau cang.

Paletwa i kan unau ralzam hna an herh baumi pechan ding in Hakha le Falam mino pawl zong Paletwa ah an kal lio si tiah thawng theih a si. Ram chung ummi mino nih ralṭha taktak in an zuan hnawhmi hna ko hi lung a hmui. Ramleng ummi Chinmi dihlak le bu kip zong nih mahle umnak cio ah Paletwa lei kan unau vansang i a ummi hna caah bawmhnak kawlpiak cio i zuam hna usih. Ref: The Chin Voice