Tu chun zong ah Chin State Paletwa cu vanlawng bak in an phomh thluahmah than cang hna. Zanlei suimilam pasarih tiang ah khan Catholic campus hna ah cun luh awk hrim a ttha rih loh. Catholic Church pakhat cu a ciam dih cikcek. Khuachung hmunkip ah meithal kuan cu ruah sur in a sur ko tiah an chim.

Chin pa pakhat Salai Kyaw Zin Zin unaupa pakhat cu nizan ah khan Paletwa an inn hmai i a dir ko lio ah a paw ah meithal kuan nih a khen. A tu hi Paletwa Hospital ah a um lio a si. Cu bantuk ṭhiamṭhiam in Nanchaung Wa Village ah a ummi Daw Phyu Phyu kum 62 hliamh a si i Paletwa Hospital ah luhpi a si hnu ah Mindat Hospital pi ah ṭhial ṭhan a si.

Tuzan ah Paletwa lei in thawng theihning ah cun hi khuachung ah minung tampi hna cu riahnak inn an ngei ti hna lo. Chungkhar 840 hna cu riahnak hmun ngeilo in an vai hna tiah an chim. Hi khuachung ah a ummi hna hi pa 1,660 le nu minung 1997 dihlak 3657 an si. Pawngkam khua Shwechaung khuate hi minung 160 renglo deuh khua an saknak a si. Hi khuachung ah hin minung 2612 bak nih an fonh hnawh hna i a tu hi minung 2,800 renglo bak an um hna. Hi khuate hi Paletwa le Sittway karlak ah a ummi a si.

Ei din ding ti le rawl zong hmun kip ah a ummi hna nih pekchanh an si. Facang hna cu Matupi lei hna le cozah lei hna tbk i bawmh in peek le chanh an si hna. WFP hna telh in International Community, local le International Organization tampi hna nih a lamkip in zuanhnawh le bawmhchanh an si. KACC hruaitu hna le Paletwa Chin hruaitu hna nih Naypyitaw lei ah bawmhnak kan hal len ko hna. A sinain ralkaap pawl nih cun facang tlawmpal dah tilo cu kan hmu loh tiah an chim. Khumiland

Note: Hi cabia Kawl nih an tialmi kan lehchinmi a si caah Copy-paste a ngah lai lo. Kan palh tampi zong a um khomi a si caah careltu nih a ruahzia kan thiam hram uh!