Chin State Halkha khuapi Le Muithla Khua Ah Siter Hlah U: Salai Biak

Chin State Halkha khuapi cu Muithla khua le Khuachia khua ah canter sual hlah u. Khuapi sinak meifar hna hi duhsah duahmah in ai thial khomi asi. Haak kauh tuk ruang ko ah hin Khuachia khua le Muithla khua hi an i sem ko rua hih! Vulei cung cuan tuah u sih.

Muithla Khua“Ghost Cities” hna kong hi nan thei bal maw? Tuluk (China) ram ah muithla khua tampi an um. Mithla khua hna anti mi ah hin muithla taktak cu an um men lai lo. “Ghost cities” an tinak sullam cu minung a um ding um lo in inn sang inn dawh tawr le cheng an sak nain, mi nih an um bak lo nak khua pawl an si.

China ram ah 2010-2017 kar ah khua pi tampi kiangkap ah mah tihin khua an samh i an rak dirh. Mirum le cozah lutlai lei hna cheukhat kut in hi khua pawl cu an rak sak. Asi nain, a policy le phungphai ruang ah maw si? Zei ko ah dik, a cawtu an um ti lo. Khuapi khua ropui asi lai an timi hna zong kum caan tawite chung ah muithla khua ah an i cang ai!

China ah ghost city a ngan em em mi lawngte 30 leng hi a kai. Halkha khua ngaw ghost city hi cu a tam tuk lehpek.

Yunan peng Kuming khua pawng i Chenggong District hi China i a ngan bikmi Ghost city a si. 178 Square miles leng kai a kau in Town plan an tuah. $millions tamlak dih in airport hna an tuah, shopping mall hna an ser. Nain a um duhtu an tlawm tuk. Mah hna ruang ah hin Ghost city an i sem tihi thiamsang hna nih an ruah..1. Communist cozah policy ruang ah 2. Mirum hna le cozah lei pehtlai hna haak kauh tuk ruang an 3. Phaisa an zoh, minung nuning (Social life) an tuak lo ruang ah..

Mirum le cozah he pehtlai (bawi chung hna) nih vulei vialte kha an cawk. Kaah ta tiah an hui dih. Nain, Muithla khua tu ah an can ter. An khuapi dawhdawh sinak ding tu kha a tlau. Muithlakhua hmanh si lo, khuachia khua ah ai chuah ding tam dawh a si.

Credit: Salai Biak