Chin Ramkulh Lamzawhnak Hruaitu Minung 10 Tazacuai An Si Cang!

Chin News

Chin Ramkulh Lamzawhnak Hruaitu Minung 10 Tazacuai an Tong Cang! March 14 tiang ah Chin ramkulh chung ah ralkap uknak duhlo lamzawhnak hruaitu minung 10 cu pohma 505 (a) in tazacuai an si cang, tiah theih a si. March 13 ah pohma 505 (a) in tazacuai a tongmi hna hmanthlak cu Hakha khuachung ah an tar hna.

May be an image of 1 person, standing, outdoors and crowd

Cun Falam zong ah February 28 le March 12 ah pohma 505 (a) in minung 5 taza an cuai ve hna. Pohma 505 (a) ning in an zual hmuh an si ahun kum 3 tiang thongthlak khawh a si. Hakha le Thantlang ah ralkap nih an tlaihmi hna CCPR riantuantu Peter le Van Ceu Thawng zong nihin tiang an thlah rih hna lo. Credit: The Chin Journal

Relchih: Lunglawmhnak le Sawmnak! Miphun hawi hna, A tulio kan ram sining kan theih dihmi a si bantuk in CNF/A caah Chinland Club nih kum khat ah $200 cio thawhmi lawng si ti lo’n a tulio caan kan ram le miphun nih a herh tak takmi thil sining zoh bu’n vawlei cung ram kip a phanmi Chin miphun sin ah Emergency National Security Fund kawl cuahmah liopi a si.

May be an image of 2 people, people standing and outdoors

Pu Than Hmung le chungkhar zong nih Australia dollars $1,000 (thongkhat) bak thazaang an chuah caah an cungah lunglawmhnak chim cawk lo kan ngei i upatnak zong kan pek hna. Ram dang aphanmi Chin miphun vialte zong nih CNF/A Emergency National Fund caah inn khat ah $500 cio in thazaang chuah dingin kan in sawm hna.

A bik in kan miphun chung in Business a ngeimi cu $500 na’n a tam deuh in pek kho cio dingin kan in sawm hna..Melbourne nitlaklei ah kan pa Pu Than Hmung le chungkhar nih zohchuh awktlak in hmai ah an kan dirh piak cang. Anmah bantuk in Chin miphun vialte zong nih thazaang chuah cio dingin kan in sawm hna. Upatnak le lunglawmhnak he, Salai Pawlung Thawng. WM Chinland Club-Public Information. Ref: Chin Broadcasting Network

Leave a Reply