Chin Ramkulh in Iang Khun Tial nih Hakha in 5D a hmuh, Lomhpi Cio Hna Usih

Chin News

Chin Ramkulh in Iang Khun Tial nih Hakha in 5D a hmuh, Lomhpi Cio Hna Usih

Image may contain: 1 person

Tukum taanghra result cu June 8 zing ah an thanh i Hakha No.1 High School in Iang Khun Tial nih 5D hmuh. Iang Khun Tial nih a hmuh mi hi Kawlca dah lo a dang poh thiamhlei mark (D) a hmuh dih. Iang Khun Tial hi Thantlang peng Faarrawn khuami Rev. Van Lal Uk le Zaangtlang khuami Pi Thlia Par hna i an fanu a si.

“YCW ah a kai nain Chin ramkulh min in phit a duh ca ah Hakha No.1. High School in a pht hi a si. Amah zong nih hin ka phit vek ahcun Chin ramkulh min in phit ka duh ti hi a ti mi a si ca ah amah duh ning tein Hakha ah a phitnak hi a si” tiah Iang Khun Tial a ta Tha Kung Thang nih The Hakha Post ah a chim.

Iang Khun Tial hi BEHS No. 1 i taangriat a kai lio ah Phunkipfonh Thiamhlei (Phetsone Htuchun Su) a rak hmuh i Bagan ah a rak kal, taangkua zong ah cu laksawng thiam cu a hmuh i Eainlay ah a rak kal. Cun, taanghra a kai lio ah Japan kal khawh camipuai a rak tei than i Japan zong ah a rak kal mi a si, tiah kan theih.

Tukum tanghra awng mi hi Hakha in 4D Par Bor Tha le 3D Sharon Dar Hnem Tial nih an hmuh i 2D a hmu mi pariat le 1D a hmu mi pakul an si. Chinmi chung in Yangon a kai mi Zaw Bawi (Matupi) Lian nih 6D le Kalaymyo (YCW) in Mah May Hta Mon nih 6D an hmuh.

Ref: The Hakha Post

Leave a Reply