Chin Ramkulh Hakha NLD Party nih CNF-CNA bawmhnak pek an timh: Chin Ramkulh Hakha NLD Party nih anmah le ti khawh tawk in Miphun ca ah rian a tuan mi CNF-CNA hna cu Miphun ca riantuan pakhat an sinak le miphun dawtu an si ca ah bawmhnak pek ding le vatlawn ding in January 21 ah an pek hna lai tiah January 20 Hakha NLD EC upa tonpumhnak ah biachah an tuah.

Atu ah hi bantuk in CNF-CNA bawmh a herhnak cu miphun ca rian an tuan ve caah tam kan bawmh khawh hna lo zong ah tha kan in pek ko hna ti mi langhter nak ding le facang. chiti le tangka tlawmpal i bawm Sehlaw a tha. Chin Ramkulh Hluttaw Chairman Pu Zo Bawi nih a chim.

Atu tan Hakha NLD Party nih bawmhnak an tuah hi politic aa tel hrim lo miphun ca riantuan tu an si caah atu bantuk in an ti khawh tawk bawmhnak an pek hna hi a si. Hibawmhnak cu Party EC upa minung pa nga hrawng an si i January 21 ni ah CNF-CNA umnak victoria camp ah an va pek hna lai. Credit: The Voice of Democracy

Relchih: America ram President Hlun Thomas Jefferson Fimthiamnak a herhnak le NLD Cozah: A pathumnak America ram President Thomas Jefferson fimhiamnak hi kan herh mi le i cawn ve ding hi hruaitu tha thinlung put a si. 1801-1809 tiang America ram President atuan tu cu Thomas Jefferson a si. A ram le miphun thanchonak ca ah nunnak thap in riantuan tu a si. President hi term hnih tiang a tuan piak hna hnu ah mipi nih President sinak pehzulh ding in an nawl nain ka si thia ti lo ati hna caah aa din mi a si. America ram luatnak an hmuh mi thanhnak thanhca zong mah nih a rak tial.

Ram pakhat thanchonak ding ah ram hruaitu hna le mizapi hna nih fimthiamnak kan ngeih a herh. Nihin Mino hna nih fimthiamnak tampi a ngeih khawh nakding ah tha pek a herh,” ti hi tuan te ah a rak hngalh cang i aa zuam ban tuk in ramkheel rian bochan tlak a si leng ah ramkheel lei ah aa mer.
Thomas Jefferson nih President a tuan lio hi America ram a sifah ngai lio caan a si i thlahlawh zong ei lo tein President a rak tuan piak hna.

A chuah kehnak Ramkulh a si mi Virginia mi nih College sakpiak ding in an rak hal. Cu lio ah America ram Hluttaw sin ah a hal piak hna nain America ram Hluttaw nih tangka a rak ngeih lo caah an rak hnon piak. cu ruang ah amah tangka tein a rak sak piak hna. A rawl einak khaan chung ah a hman tawn mi tangka in ser mi haileeng hna cu a zuar hna i mino fimcawnnak caah a hman. asullam cu mirum nun in sifak nun ah a nun aa pe mi pa a si.

Mino nih fimthiamnak an ngeih lawng ah hmailei ah America ram hi a thangcho lai, a thawng lai, cu caah fimthiamnak hi biapi ah chiah a herh tiah a upi peng. Thomas Jefferson thlan lungphun mi zong ah, America ram luatnak thanhca a tialtu hi amah Thomas Jefferson a si tiah aa tial.

Myanmar ram luatnak hruaitu Bochok Aung San zong hi ram le miphun caah a dingfel mi miphun le ram a daw mi a si ve ti cu mi tampi nih hngalh cio a si. NLD cozah a kai hnu zong ah Daw Aung San Suu Kyi zong nih hmailei kan ram thancho nakding ah fimthiamnak hi biapi ah chi in rian a tuan mi a si. Source: “ဒီလှိုင်း ” Credit: He Dun