Chin ramkulh Chief Minister Salai Lian Luai cu August 17 zaanlei suimilam 2:00 ah Falam khuapi Toungzalat hall ah Falam khuanu khuapa, pengpi/peng khuakhannak committee pawl he tonnak an ngei tiah theih asi. Hi ihmuhtonnak ah Chin ramkulh chief minister Pu Salai Lian Luai nih bia chimnak a ngeih hnu ah tlangbawi Pu Mang Hen Dal, tlangbawi Pu Soe Thet, cazin cektu Pu Lal Tin Mang, sungtuan Pu Hto Win hna nih tthanchonak caah rianttuanmi pawl, rianttuan pehzulh ding in a herhmi pawl chimnak an ngeih hna.

Cu hnah Falam ti peknak, golf bualrawn konghe pehparin Falam peng sipin hruaitu Pu Dar Lian Uk nih chim fiannak a ngei i Falam peng uktu Pu Ca Awi nih Falam khuapi thar project chung i lampi tuah dan ding dirhmun pawl chim fiannak a ngeih. Cu hnu ah tonbiruahnak ah a rak chuaktu hna nih theih an duh mi biahalnak an ngei i Chin ramkulh CM le tuanvo ngeitu pawl nih bialehnak le chim fiannak an ngeih hna tiah theih asi.

Chin ramkulh CM cu August thla 17 zinglei suimilam 8:30 ah Ramthlo mipi he tonbiaruahnak an ngei tthan. Cuti tonbiaruahnak an ngeih dih hnu suimilam 11:00 ah Falam khuapi Lungpi veng ah a ummi Cyclone Shelter saknak ding vawlei hmun le khuapi thar saknak ding caah vawlei hmun ruahmi pawl zohnak a ngei i a herhmi thil pawl chimnak zong an ngei tiah theih asi. Ref: Iprd Falam