Chin Ramchung Sakhan Laaknak Ah Chin Ralkap 4 Nunnak A Liam, 11 Nih Hliam An Tuar

Chin News

Sakhaan Lak Kahdohnak Chung Ah Mipi Hriamtlai 4 An Nunnak A Liam, 11 An I Hliam. Chin ramkulh le Magway ramṭhen um ralkap sakhaan pawl lak kahdohnak, December thla chung ah lam hruaitu telh in mipi hriamtlai 4 an nunnak a liam i 11 an i hliam tiah CDF-Mindat nih December 26 ah an thanh.

December 4-12 tiang Magway ramṭhen, Tilin peng, Yemyatni khuate kahdohnak chung ah CDF-Mindat hriamtlai 2 an nunnak a liam, 1 aa hliam i ralkap lei a thi mi zong an tam ve tiah theih a si. December 8 ah a cang mi Mindat khuachung kahdohnak ah ralkap lei 3 an thi i 11 nak tlawm lo an i hliam.

December 18 ah Magway ramṭhen, Gangaw-Tilin karlak um ralkap Myittha dam sakhaan cu Chin hriamtlai phu pawl nih an lak khawh i kahdohnak chung ah CDF-Mindat lam hruaitu Salai Tam Ling a nunnak a liam i adang 9 zong hliam an rak tuar.

Myittha dam sakhaan lak kahdohnak chung ah CDF-Mindat, CDF-Senthang, CNDF, CDF-Zotung, CDF-Zophei, CDF-Lautu, CDF-Mara, Unbroken Generation le CDF-KKG hna bawm in kahdohnak an tuah hi a si. Kahdohnak chung ah ralkap lei a thi mi an tam i Chin hriamtlai phu lei zong in nunnak a liam mi an um ve i hriam tampi zong an lak khawh tiah an thanh.

Sakhaan pawl la kho thluahmah ding in atutan tuah mi project Mindat 2024 Campaign ah bawmhnak pe cio ve ding in CDF-Mindat nih forhfialnak zong an tuah. Ref: The Chinland Post

Leave a Reply