Dr. Lian Hmung Sakhong bantuk lungput he federal kong na chim lo ahcun na hrulhter te lai: Tutan Thantlang CND ah Ramkheel lei kan pa Dr. Lian Hmung Sakhong lungput hi Federal i cawn cio ding asi. Abik in Tlangcung Party le Chin Party hrim nih an i cawn aherh.

Tutan biachim ding an sawm lio ah khua nu khuapa lei biachim ding an ti lio ah lungtho tein a chim i NLD le DASSK soiselnak a chim lo, cun CNF/A dirhmun or aiawh biachim ding in nan kan sawm lo ti bantuk nuar le phunzai zong a uar lo. Zeiti biachim an sawm zongah caantha asi ko, zeiti ka chim le zeiti an ka dirter zonvah CNF/A le khuanu khuapa ai ka awh ko, aiawh in ka chim ko lai ti lungput he bia achim. Federal democracy ser khawhnak zong alam nai ko ti aa ruah chan mi zong achim. Cheu khat ramkheel lei ah ari cang mi hna cu sir khat lei lawng in an kal i thlarau in piangsual ko an lo. Bobo calcal in Party doh an i zuam.

Dr. Lian Hmung sakhong lungput bantuk lawng nih kan ram aser khawh lai. NLD le DASSK adoh tuk mi hna party le ramkheel minung nih kanpa Dr. Lian Hmung nih aa tinh mi le kah aduh mi federal khi an nganh ter te lai, kap thiam lo in an tuah te lai. Buh/rawl chumh hrulh mi bantuk/ei awk tha lo mi rawl bantuk in federal hi nan hrulh ter te lai. Zeitluk rawlthaw hmanh khi dawtnak le lungsua nak lo cun mipi na tuh/eiter kho hna lai lo. Dawtnak le lungsau nak he federal uknak ca raldo thiam mi si kan her. Credit: The Voice Of Democracy