CNLD Chairman pakhat a simi le Falam peng Pine 2 dirhmun in a MP a cuhmi Pu No Than Kap nih Chinram ah Chin Party nih teinak a co ahcun mipi sinah an tuahmi thil pawl hna a von chim. Chin Party nih Chinram ah teinak kan hmuh ahcun Tangka chuak lut mipi zong khawh dingin kan tuah lai tiah a chim.

Pu No Than Kap,“Chin mipi sinah sawmnak tuah ka duh i cucu Chin Party a phundannak kong hi a si. Chin Party kan hrampi le kan taw cu Chin mipi a si. Chin Party i lutlai pawl cu keimah telh in ahohmanh hlawh ngei loin rian a ṭuanmi kan si. Cu ruangah Chin Party (CNLD) cu Chin mipi ahopaoh nih kan ta tiah kan ruah ding le kan itlaih ding ah ka duh.

“Kannih Chin Party cu zei bantuk sinak kan co hmanh ah kan zoh dingmi cu mipi a si. Mipi lungtlinnak kan kawl lai i mipi ngaihchiatnak le lungtlinlonak cu a biapi bik ah kan ruah lai. Kan lu bikah kan ichiahmi cu Pathian a si. Cu ruangah zumtu Chin miphun ka si a titu dihlak nih Chin Party cu khual Party, Miphun dang party bantuk ah zoh loin ka party miphun le ram caah rianṭuantu ding a si tiah nan kan cohlanpi nak lai kan nawl duh hna.

“Chin Party cu Kawl Party USDP le NLD pawl he aa khat lo. A khat lo kan ti tikah, kawl Party an ṭha lo tinak a si lo. Party cu an ṭha dih ko. Zei bantuk caah dah a ṭhat timi lawng chim ka timhmi a si. Kawl party cu kawl miphun caah a ṭha. Cu bantuk cun, Chin Party cu Chin mipi caah a ṭha bik. Kan rianṭuanning le kan itimhtuahning zong Chin miphun caah phungdang te a si lai.

“Cucu hmuh khawh ding le hmuh lo dingin kan ṭhen. Hmuh theih dingah ramchung ramleng in tangka chuak le Cozah tangka hrimhrim cu a lut chuak umdang cipciar tein Chin mipi zoh khawh le hmuh khawh dngin kan taar peng lai,” tiah Pu No Than Kap nih cun a chim.

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin