Chin party le NLD cu: Chin party cu Chinram Acozah ser dingah ttanh ding. NLD cu kawlram huap Cozah ser dingah Chinmi nih ttanh len a hau lo. Chinmi nih NLD vote (mee) kan pek lo ruangah NLD nih rampi Acozah a sernak ding a dawnkhan hlei lo.Chinmi kan vote(mee) hau loin NLD nih Acozah a ser khawhtuk ko caah dirpi len hau lo.

Chin party vote (mee) na pek lo ruangah Chin party nih Chinram ah A cozah an ser kho lo, NLD cu anmah kawlpawl vote (mee) in rampi Acozah an si ter khawh tuk tikha philh lo ding.Anmah Kawlpawl vote in Cozah a ser kho tuk mi kha ziah kan va bawmh len hau ti.

Rampi huap in NLD nih Cozah a ser, Chinram ah Chin party nih Cozah a ser ve ruangah Chinmi nih sungh le zatlak mi kan nei hlei lo. Chin state nih a hmuh ding le a Covo kha a dih lak in a hmuh tthiam ko lai.

Chinmi tampi ruah ningah cun NLD nih rampi Cozah aser i Chinramah Chin party nih Cozah aser ahcun central Cozah sin in zeihmanh covo hmuh lo ding, ral le ral btk in i zoh dingah kan ruah cuh.Mahti si ahcun Rakhine le Shan states hna hi kum 5 chungah rawl loin an thi dih cang hnga.

Tahchuhnak: India Acozah pi cu Vai (kala) party BJP an si.Mizoram ah Congress le MNF parties nih Mizoram Acozah ser an i chang i mah ruangah Central Cozah simi BJP nih kan party BJP silo mi MNF nih an ram Cozah an ser caah ti in Mizoram kha daw lole kilveng loin a um hlei lo: Mizoram state nih ahmuh hnga ding le covo kha an hmuh tthiam peng. Kawlram zong mah bantuk lamtluan a zawhmi dahkaw kan si cuahmah hih. Credit: William HC