Chin Party (CNLD) Nih Keimah Timi Lungput An Ngeih Ahcun VOTE FOR NLD

Atu lio kan dirhmun cu ram thlennak tuahlio (transitional period) caan a si. Cu thlennak cu Chin miphun aiawh in le kawlram pumpi huap zongin CNF nih hma a lak i a tuan cuahmah. Hmailei kong kan chim kho lo. A fawi nakin chim ahcun ram thlennak rian an tuan kan timi cu pumpak in siseh, a buu in siseh, kan miphun in siseh kan ngeihmi covo (rights) kan ngah i State government (Pyine cozah) le Central government ( Bahu cozah) karlak i nawl ngeihnak kan i cheuh le then (power balance) kong..cun ramri kong tiang an va ceih te ding khi a si. Hi pawl hi federal union sernak caah a muru cu an si ko.

Hi ram thlennak kongah Chin Party (CNLD) nih a chimrel khawh mi a um lo. NLD zong nih an tuah kho hlei lo. USDP zong nih a tuah hlei lai lo. Peace process a kal ning cuanh ah a fiang tuk ko. Party politics dirhmun kan phan rih lo. Cuaah Ram thlennak tuah lio can karlak ahhin cun kan Chin State caah “ zumh awk a tlakmi hruaitu an umnak party” kha vote ding a si ko tiah ka ruah.

Party politics timi cu ram pakhat nih mipi cohlan mi phunghram an ngei i cu phunghram tangah party an dirh. Cu party hna nih policy an ser i mipi sinah campaign an tuah. Vote an pek tikah mipi nih party lungput cu an ngei ko nain party politics dirhmun a phan cangmi zong nih hruaitu cu an zoh chih thiamthiam ko. Chin Party an i fonh khawh cu a tha nain hruaitu an i thim ningcang nih mipi lung a zor ter lai.Nain hruaitu tha le miphun an dawt taktak an si ahcun thutdan kiangh hna cu a har lo tuk. Cublete cu i sersiam than an duh lo i Keimah timi lungput an ngeih belte ahcun Vote For NLD

Credit: Salai Tin Maung Win