CHIN PARTY CNLD UM HLAH SEHLAW CHINMI CU NINGZAK IN KAN MUAL A PHO LAI. Chin Party zeirello le soisel phun in baichimmi tampi nan um. Tualto party e cozah ser kholo ding party e party hmete asi e cu e kha e tiah nan hei ti. Kawl party bochan in miphun party soisel ahcun na biachim a zalong tuk. Khua pakhat a um ahcun lam zong um phung asi. Lam a um lomi khua cu zeitik hmanh ah a tthangcho kho lai lo. Khua pakhat a tthangchonak a hrampi cu LAM “communication” asi. Khua nih lam a sersiam lo. Lam tu nih Khua a sersiam deuh. Lam kan cawh tik ah tiluannak miong “ေျမာင္း” tuah a hau. Tiluannak miong aum lo ahcun lam cu a rawk colh ko lai. Lam a fehnak le lam a hmunhnak ding caahcun Tiluannak miong cu um a herh hrimhrim ve.

Khua pakhat a tthanchknak ding caah Lam a herh bantukin Chin Miphun kan tthanchonak ding caah Chin Party um cu a herh hrimhrim ve. LAM a humhim nak hnga tiluannak miong a herh bantukin Chin Miphun humhimnak caah Chin Party um cu a herh hrimhrim. A rengreng ah Chinram caah Chin Party hi um hlah sehlaw vuleipi hmai kan khap lai maw. Kan unau Tlangcung miphun hmai kan khap lai maw? Kawl zoh nak ah zingzak tuk kan si lai lo maw. Na ruat bal ve maw? Miphun pakhat kan si ve ti t’ung i miphun party um locu ningzak tuk kan si lai. Chinram ah NLD le USDP “Kawl party” lawng um seh ti maw na duh. Zeidah nan ruatnak asi le Miphun party cu nan doh len.

CNLD party cu a hme tuk nan hei ti rih chapbei. CNLD a hme asi lo Chinmi tu kan tlawm kan hme bia asi. Milurel in Kawl kan tluk lo bia asi. Chin party cu a hme tuk na ti lio khi Chinmi cu kan hme tuk na ti nak asi. Mah tilcum timi kan pupa holh a tling. Kawl party bochan in mah Chin miphun party kha zeirel loin um hlah. Nan i bochan mi Kawl party nih Chinmi kan covo zeihmanh an in pe hna lai lo. Nan lih cu nan chim rih. CNLD upa kan duh lo nan hei ti rih. Mah nih le mihruai khawh lo mi nih hruaimi ah le zulh khawh fawn lo. Mi depde nan si. CNLD upa kan uar tuk ruangah Chin party kan t’anh lo. Chin kan si ruangah CNLD upa kan cohlang hna. Nan i fiang ko lai dah.

Tampi chim a hau loh. Khua pakhat nih Lam a herh bantukin Chin miphun caah Chin party um a herh ve. CNLD cu a hmet zongah siseh a tlinglo zongah siseh Chin miphun aiawhtu asi. CNLD Miphun party um hlah sehlaw Lam a ngei lomi khua Party a ngei lomi Miphun an kan ti lai i, kan mual pho ko lai. Ningzak asi. CNLD cu miphun a kan cawisang tu asi. Doh phunphai in um ti hlah. CNLD um hlah sehlaw Miphun party hmanh a ngei kho lomi miphun an kan ti lai.. ka ningzak tukk. RUAT! Ruat tthan tha tein!!! ဗမာပါတီအားကိုးပုဆိန္ရိုးအေခ်ာင္သမားပါတီမ်ားအားဆန္ ့က်င္ျက Cal kutchonh in ruah caan a cuu cang. Jacob R. Thang