Kan theih cio bang in Kawlram cu Buddhist ram ti khawh a si. Buddhist pawl nih an pathian an biaknak hmun cu pura ah a si i pura cu an pathian ti khawh zong a si. Cu pura cu an upat i an tihzah ngaimi a si. An pathian biaknak hmun an tihzah tuk caah pura a kalmi paoh nih kedan le mawhca he lut ahcun pathian tihzah lo bantukin an ruahmi a si.

Kan hnute ah tleirawl nu pathum cu Kawl pawl pathian pura kulh chungah kedan he hmanthlak an i thlakmi cu Kawlram media tampi nih an tarlangh cio hna. Cu thawngpang cu a post hmasatu nih atang lei bantukin an hmanthlak he a tarlangh hi a si.

“Pura kulh chungah nu nih kedan he kal ding hi aho nih hme a cawnpiak hna hnga? Tutan cu a hmai zong ka langhter chih cang lai. Nulepa chimhrin lo pawl. Kedan he lut lo ding tiah ca tar a si ko i sianginn kaimi an si fawn ko. Ca an rel thiam lo caah a si hrimhrim lai lo.”

“An hmanthlak ka tar ruangah zeihmanh sual ka phaw len hlah uh. Hmasa tein hi tin nan um rih ahcun nan hmai langhter in nan hmanthlak ka tar lai ka ti cang ko hna. Buainak meittil na alhter nan ka ti ahcun khuasik lio a si i mei to ko uh. Hi thil cang hi Chin ramkulh, Mindat khuapi, nitlak lei sang i San-min-thiri-pura ah a si” tiah an hmanthlak he a tarlangh ti si.

Atu cu hi kan Chin tleirawl nungak pathum cu Kawl media tampi nih video in an chim pinah ca in an kong an tar cang. Kawl pawl nih pura cu an upat taktak mi a si tikah biatak tein an thinhung dawh a si. Vailamtah an kan thluk piak lio i Chin miphun dihlak kan rak tuar khawh lo bantuk an si ve cang rua hi.Ref: SYL.Credit:miepitlangdawh