Chin National Party(CNP) Chairman Thar Pu Lal Maung Cung CNLD Nih An Chuah Mi An I Chir Tuk

Hmuhning

Pu No Than Kap le Pu Ngaisak hruaimi party CNLD nih aa-naa hmang in uico thawl bang zohchia tuk in an thawl hnu ah Pu Lal Maung Cung cu Chin party pakhat a si vemi CNP ah a lut cang tiah July 17 ah theih a si. Thantlang Peng Chin min in Party dirhtu le hruaitu a si tikah atu bantuk an phuahmi cu CNLD Party ca ah sungh zatlaknak pakhat a si tiah ti khawh a si.

Pu Lal Maung Cung Cung cu CNP Party chairman rian zong an pek chih fawn. Amah nih MP caah candidate thim khawhnak le kawl khawhnak nawl a ngei lai tiah theih a si. Thantlang peng Pyine No 1 candidate ca zong ah Pu Lal Maung Cung cu Chin National Party nih an fehternak July 17 ah thawngthanhnak an tuah.

Chin National Party CNP hi an dirhnak a sau pah cang, nain an hruaitu cheukhat cu CNLD he an i fonh i a tang mi cheukhat nih Chin National Party CNP cu an hruai. Atu cu Pu Lal Maung Cung nih a dirhkamh hna lai caah Thantlang peng ah cun thawn pah te dawh an si. Cucaah CNLD ca ah sung zatlaknak an ton bantuk a si Lai. Pu Lal Maung Cung cu Thantlang Peng ah hmunhma a ngei ngaingai mi a si.

Leave a Reply