Chin MP hi tlaih sawh le biahal sawhmi siloin, sual an puhmi a um: Arakan Tapung AA hna nih Chin MP palai pakhat asimi Weih Tin cu November 3 2019 ni ah khan Palehwah in Kyauktaw lei ah an kalnak ah an rak tlaih. Nihin tiang an thlah than rih lo. Amah he India ram mi a simi a dang pali le holh let pahnih le tilawng mawngtu pahnih he tiin an tlaih hna.

Kum 60 asi cangmi pakhat cu an tlaih i an kalpi lio ah lungzawtnak in a thi. Chin MP hi cu biahal kan duh tiah an ti i an thlah lo. Adang cu an thlah than dih hna. AA biachimnak nawlngeimi Khine Tukhah nih a chimnak ah Chin MP hi tlaih sawh le biahal sawhmi siloin sual an puhmi a um. Khumi le Rakhine mi karlak ah remlonak bia a chim, AA dothlatnak a kan tuah tbtk pawl kong ah an tlaihmi asi tiah an ti. Mah tining ai cun, Chin MP palai hi him tein an chia lai lo ti cu a fiang ko.

AA hna hi Chin ramkulh chung Chin miphun hna harnak an pek taktak cang hna. Chin mi a kan namnet i thlang lamh an tuah cuahmah ko. Tutan hi AA nih mah tiin Chin miphun simi an tlaihnak vuikhatnak a si lo, a vui a tam cang. An khua ning hna in an tlaih hna. Chin miphun kan i kilveng kho ti lo. Ngaih a chia hringhran ko.

AA hi mah tiin zohsawh awk an tha ti lo. Hriam in kah le tuk awk le an tha lo caah Media ral in kan doh ve hna a hau ko. AA kong tialnak post kip ah ral tha tein AA tuahsernak hi kan mawhchiat ding asi ve ko cang. Cu ti lo cun Paletwa cu chim hlah Chinland ningin a kan hui sual lai! By Salai Biak