Kan pa he kan i umnak kum 2 a tling ve cang. Pathian thawngin fapa pakhatte kan ngei i, a tu lio kan inn chungkhar cu buainak in a khat. A ruang cu ka pasal nih hin facebook in nu pakhat he an i chawnh peng ti ka theih hna. Cu a chawnhmi nu zong nih kan pa hi a duh ngai ve.

Voikhat cu cu nu he an i chawnhnak cu ka hmuhpiak hna. Zei kong dah an ceih/chim ti ahcun nu le pa sining aa nuam ning kong lawngte an ceih mi cu ka hmuh piak hna i, cu zaan cu ka thin a hung, ka lungfak tuk i zaan zong hngilh kho loin khua ka dei ko.
Hi nu hi voi 3 tiang i hmuh dingin bia ka chah cang i, kan i hmuh khawhnak ding zong tha tein ka chim i, kan i hmuhnak ding ah voithum ka hngah cang i a rak ra hlei lo, zei tin tuah a dah a that hnga?

Ka lungre a thei taktak, ruahnak ka pe u law. Atu ah hin kan pa he a then cangmi bantuk in kan um cang, a pawngah zarhkhat chung ka it ti lo, kan kar lak boruak hi a tha lo chin lengmang ko. Hi bantuk in a rak tong bal cang mi nan um sual ah cun ruahnak ka pe ve ulaw kaa lawm tuk hnga. Ref: Nupa nun