Chin Mipi nih Chin Miphun le ram kan dawt taktak ko ahcun NLD hi dirpi ko. NLD na dirpi ruang ah Party dang nih biafak le ngaih nuam lo tiang in an i doh lai i an i soisel lai. a caan ah mihrut ti le kawl party, kawl sal an in ti lai. asinain na tha chia hlah, Jesuh nih nun a nem mi cu lunglawm mi an va sidah, Pathian nih an kamh mi hna kha na co lai” tiah Jesuh nih a kan kamh, (Mathai 5:5).

NLD na tanh ruang ah biafak na ton mi hi Chin Miphun thlachuah hmuhnak a si ko lai tihi fek tein zum ko. Dohdal tu Party hna nih cun biafak le ngaih nuam lo biafang hi an ramkheel lopil kauhak caah an hriamnam tha bik a si. Kan tumram uknak phaknak ding caah cun lungsau hi a herh tuk. Dohdal tu Party hna nih zohtlak lo tiang in an in ti zong ah na lungdong hlah, harnak na ton mi hi Chin ram thlachuah a si ti kha hngal camcin ko.

Atu hi Chin Miphun nih kan duh herh mi zauk phung (Federal) uknak a kham tu phunghram zong remh ding in an chuahpi i an nawr cuahmah cang. Tha chiat ding a si lo. Kan pu Aung San nih a biakam kha a fanu Daw Aungsan Suu Kyi le NLD nih tlinter an i zuam ko. Dohkalhtu Party pawl, nihcun a tuah lo ee an ti peng ko lai. dawntu ralkap cu an doh ngam fawn hna lai lo.

NLD doh bak in a nunnak le acaan hman aa tim mi zong an um bantuk in NLD a tanh i federal uknak lei ah lanh thluahmah a duh mi an tampi ko hi. Dohkalh tu Party hna lungput le sining zoh ahcun vote pek ngam ding a si lo zia nan hmuh te ko hna lai. Hi bantuk pawl nih Hluttaw ah thutden an co zual ahcun aa kan vaivuan dih lai.

1010 kum lio USDP cozah tlaih lio caan i Chin Vuanci le MP hna tuahser nak zei hmah an tuah khawh lo ning kha ruat peng ko. A caan a phak in a minung bak in kan langher te hna lai. Ralkap he maha maih tuah tu Party cu hlawt lawng si loin a doh bak i doh ding. Cheu khat tlang cung Mi Party cu Ralkap ah mahamaih a tuah mi a um. Ralkap kan doh lio ah a thli in a rak i helh mi Party zong a rak um ve hoi.

Mipi sin ahcun zumh awk tlak mi party le Miphun daw bik tu bang an au len nain Ralkap he an rak i helh diam. Cucaah Ralkap uknak phunghram aa naih mi Party pohpoh cu vote pek lo ding. Mipi kan ria cu, cozah a ser kho mi Party le phunghram rala do i ralkap he mahamaih tuah lo mi Party thiang hlim hi vote peng ko hna usih. Credit: The Voice Of Democracy