Chin miphun Nih Biatak Tein Kan I Zawtpi Mi Phunhnih

Chin News

Tulio Chin miphun zawtnak Phunhnih

Image result for surbung airport

Tulio hrawng (2017 in aa thawk) mi Chin zawtnak lakah ka hnak a ka doh mi le Chin mi kan caah a herh lo bik tiah ka ruahmi pahnih cu “Chin ram ah Vanlawng bual/Aircraft Airport serding in i zuam le zumhnak lei in Doctrine kong ah buai hi asi. Hihna pahnih nihhin Chin miphun le ram thanchonak le himnak thatnak a kan pe maw pelo tihi ruah kan hau.

Chin miphun milu sing 5 tlinglo mi umnak Chin ram le tlunkainak le chawhvak nak a herh tuk lomi ram sifak mi hmun ah Phaisa millions tampi dih in Vanlawng bual/ Aircraft Airport pa hnih thun ser hi a herh maw herhlo tihi tuaktan kan herhtuk. Tulio Surbung tlang i Ks Sing tampi dih in ser cuahmah mi Vanlawng bual khi tulio Chin ram kan caah a za tuk cang kolo maw? Chin ram ah len kai ding le ramleng mi bihzoh ding um huaha lomi hmun ah a zuang chukcho ding um huaha lo le dinhding Vanlawng um lomi Vanlawng bual Phaisa sing tampi dih in sernak cha cun Chin mi nih kan herhmi fimthiamnak le Cinthlaknak le Din ei nak ti hna caah cu Phaisa cu hman ah a tha deuh hngalo maw?

Cu silo ahcun hitluk Leilam in tlunkainak a har nak le Motor lam tlunkalnak a chiakha mi khi thatternak caah hman a thadeuh lomaw? Tlakhat voikhat hmanh a zuang hngalo ding le Chin mipi 1% hmanh nih hman loding mi Vanlawng bual ser lalek le cu Vanlawng bual ruang i pengkhat le khat i elhniarnak tiang chuahpi cu a herh maw? Ziah kan Chin mipi nih an herh deuhmi thil tuah buapi loin a herh lo deuhmi ah kan buai hnga?

Chin miphun nih Khrihfa kan sinak kum 100 a leng cangmi hna nih heh tiah maivan cungin Oneness ee.. Trinity ee tiah khat le khat heh kan buai, keimah biaknak a hman ee, nangmah biaknak aa palh ee tiah kanmah Chin mi khat le khat heh tiah kan i do, zeitluk ningzah dah kansi. Jesuh Khrih cu ka khamhtu le Bawi asi ti a hngal lomi hna sin tuah zei cu kha ti ngam tunglo.

Image result for trinity and oneness of god

Biaknak dang le zumhnak dang hna cung vial ah Ui fir bang zei holh ngam loin dai dipdep tein um tung, mah le miphun hoi cung tuah thih ngamh in tan tung, zeitluk ningzah dik kansi. Kan hawi Buddhsim le Muslim hna cu an biakmi Buddhsim le Alah a bia lomi cung tuah a herhning in an chim ngam i an tuan ngam. An mah le biakmi Buddhish le Islam cung ah fek tein an dir.

Kannih Chin mi cu cutin silo in kanmah le mah (Khrihfa mi cio cio sinah) tu kan i seh i Biaknak dang nih cukha anti ahcun dai dipdep in kan um ningzah kan sining. Taktak tiahcun Chin miphun nih kan dirhmun cu Chin miphun dihlak himnak le thanchonak kan herh i cu sinak phakding ahcun kan miphun rian hi biapi ah chim le ceih le dirding tu kansi.

Khrihfa kansi baktuk in Trinity le Oneness ah buai loin Zumlotu hna kong tuah kan buai deuh awk asi. Cutin silo in kanmah chung ah kan i seh lengmang ahcun kan zumhning a tlau lai i kan miphun sinak le ram hi mi phundang nih ponchuak mi kan si lai.

Ref: Peng Hlawnceu

Leave a Reply