Chin Miphun Ni I Kan Pale Biachim Pek Le Pek Lo Hi Federal-Democracy He Zeihmanh AA Peh Tlailo

Chin News

Chin Miphun ni i chin kan pa le hna biachim pek le pek lo hi Federal uknak he zeihmanh aa peh tlai lo tiah ka ruah. Bia chimnak caan an rak pek bal ko hna cu hlan zong ah asinain federal democracy caah zei hmanh a chuah pi bal lo, ralkap le aparty nih cun kan duh mi taktak pek lo in atuktak ah caan aa kan pek, kan herh mi taktak pek cu an duh bal lo.

Image result for chin miphun ni

Atu cu zei tluk in dah federal an duh lo cu a hung fiang ko, ralkap hruai mi UEC tuanvo ngei tu hna nih cun biadik an chim bal lo i tlangcung mi caah a herh bik mi tuah cu an duh bal lo, democracy muisam a lo ngai mi tuahnak nawl hna a kan pek lai i kan hmur ka phihnak men asi. Ralkap Min Aung Hlaing biachim kha ruat hman uh, ahnu bik remdaihnak bia arak chim lio ah zei hmanh tuah ngam lo mi ka ngei lo” tiah arak ti.

Image result for chin miphun ni

Asullam cu democracy taktak hmanh hi hmu deng usih law democracy taktak hmuh lai ahcun athin phang lai i democracy kan hmuh deng mi kha ahrawh thiam thiam ko lai, cu tik ah athar in democracy lamsial than ahau kolai.. Cucaah ralkap le USDP lio ahcun chin miphun ni hmanh ah biachim ding aa kan sawm ti kha cu hlen thawinak aa zumh mi kan si, chin miphun ni biachim khawhnak ngeih nak in azungzal in chin miphin ni ah biachim khawh nak he aa peh tlai mi federal uknak kha abiapi deuh.

Cucaah ah tutan Chin Miphun ni ah hin atu ralkap cozah hna zong sawm loin chin mi lawng bak nih ahram thawk in adongh tiang i tawlrel ding a herh, ralkap sin ah CND tuahnak nawl hal hlah usih, cun ralkap cozah he aa peh tlai mi sawm hna hlah usih, aa kan hro zong ah kan miphun kong ah rak i caih rih hlah tiah raltha tein ti ko hna usih, ralkap hi azumh hrimhrim in zum hna hlah usih. Cattialtu: By Ro Lian Thang

Leave a Reply