Chin khualipi Hakha a kik ngaingai. Atu lio hrawng hi voidang nakin a kik deuh i tuni hi ahung kik ngaingai i a kik zat hi 3.3 degrees (Celsius) a phan tiah nikhua/khuacaan tahnak zung lei nih thawngthanhnak an tuah tiah theih a si. A kik taktak tinak a si.

Laitlang ni khua tahnak zung in rianttuantu pakhat nih a tu hi a kih lawng si loin taksa a fak kan kut hi thil pakhatkhat nih a rial bantukin a fak thinghna tiang an raang dih rial zong a tla. Khuacaan hi minus 4.5°cc a si tiah khuacaan lei ttuanvo latu nih an chim.

Hakha khualipi a kih bik caan khua caan tahnakin an tah hi kum 1995, 2001,2011 kum hna hi a si i a kih zat hi minus 4.5°cc a rak si. Nai hrawng Hakha khua caan cu 25 January ah hin Minus 1.0°cc a si i 26 Januay ah khan 2.3°cc a si tiah theih a si.

Laitlang i khuadang dang zong an kik ngaingai hna ti a si. Falam khuapi hi 25-26 January ah hin a kik ning hi 4.0°cc a si. Tidem zong a kik taktak ve 25 January zaan ah 2.0°cc a phan ve. Cun Tonzang hi 27 January tuni ah 4.3°cc a phan ve. Mindat khua hi 20 January ah 3.5°cc a phan i Matu hi tuni ah 5.3°cc a phan cun Palakock khua ah 26 January ah 8.8°cc a phan tiah theih a si. Hihi Chin ramdang khua dangdang an kik hna cu a si.

Cu lawng si loin Chin Ram, Shan State le Naypyitaw, Yangon tibantuk zong a kik chin lengmang kho an ti caah nikhua tahnak lei zung nih i ralring dingin thawnthanhnak an tuah hna tiah theih a si. Credit: Zalen. Note: Kawlca Laica in kan leh chawmmi a si caah kan palhnak le a sining loin kan leh palhmi zong a um kho men nan kan theihthiamnak lai kan in nawl hna in kan in theihter duh hna.