Chikhat hiimdornak TPS (Temporary Protected Status): Visa in US um liomi Kawlrammi ca-ah a herh ngaimi

Theihtlei

Chikhat hiimdornak TPS (Temporary Protected Status): Visa in US um liomi Kawlrammi ca-ah a herh ngaimi asi: March 12 ah Pres. Biden cozah nih visa in US ah um liomi Kawlrammi caah TPS an vun tuah. Cucu nan sok ii, nan ngah in thla 18 a nungmi Work Permit zong ngah chih asi. Work Permit na ngah bakin Social Security Card zong ngah colh si.

What is Temporary Protected Status (TPS) and What are the Benefits I Would  Receive if I am Eligible for it? | Kuck Baxter

Phungning (legally) in US ah na duhmi rian poah na ttuan kho (US cozah rian dah ti lo cu mu). Cun State ID/Driver License, tibantuk zong sok khawh asi. TPS hi a sok caan te a um. Registration date & deadline a um. US cozah lei in DHS Secretary nih thawng a thanh nii in nii 180 (thla 6) chungah tuah a herh colhmi thil asi.

TPS cu zeitindah na tuah lai. A fawite mi asi ko. DFW hrawnghrang ummi cu keimah ka rianttuanak non-profit org. law firm pakhat asimi: Immigration & Legal Services (ILS) zong nih immigration lei poahpoah cu kan tuah & bawmh khawh dih ko hna. (Tulio belte hi kei tu hi zerh zeimawzat chung sabbatical leave ka laak lio asi.

TPS tuah duhmi paoh cu pumpaak in ka msg/inbox te ko u. Asikhawh chungin bawmh kan zuam hna lai. A tuah ning a lam le zeidah a herhmi pawl an si, ti zong fiang cikcek tein kan chimh khawh dih ko hna. (Keimah cu phaisa fangkhat hmanh pek hau lo. Nan ka pek zongah kan cohlang hna lai lo. -P)
Siaherhnak he Pa Dawt. Immigration Consultant/ DOJ-Accredited Representative-

Leave a Reply