Ka Chimlo Mipi Nanka Chimtermi Fianternak: Lai online media lawng hlah maw mi bia asi lo ning in merh piak i post an hmanh tiah naihrawng comment tete ah ka chim lo ning piin nan ka chimter mi bia a um len caah vun fianter ka duh ko. 1. “Chelsea Bawi nih keimah tluk in US politics kong a thei mi le a dothlat mi nan um rih lo, ati”

Fianternak: Hi bia hi voi 5 hrawng ka chim lomi pi nan ka chimter mi ka hmuh cang. Hi ti tu hin ka catialmi comment tu pawl sinah ka chim mi asi “Ka chimmi hi zum ko ulaw tulio US election kong le Trump kong cu keimah nakin caan pek in dothlat mi le a tial tam mi nan um rih lo cuh” ti tuin ka chim. Cucu a si tak cu mu!

Kei hi thiamnak le hngalhnak ti lei kap cun chim hauloin a chambau taktak mi ka si, cawnnak lei in siseh hmuhtheihnak leiin siseh ka chuak hlan piin kan pale politician thiamsang tampi an um cang caah US politics leiah ka thei bik ai ti ngam ding ka si lo piin ah a cawngmi zong asi fawn lo caah cu bantuk bia cu ka chim lo lawlaw lai! Asinain Trump kong le tulio election kong tu hi cu kum 2019, 2020 le 2021 chung ahhin ka catialmi le ka caan lawng 95% tluk cu Trump le election kong tial mi lawngte an si ko.

Trump le tulio election kong Laimi ah a tial tambik nih khin hmunhra then hmun khat tluk ka tialmi le ka caan ka pekmi hmanh khi an tial in an caan an pe rih lai lo dah. Cucu nan hmuh tukmi le nan theih tuk ko hi group chung ah si lo maw? 2. “Tulio election kong ahcun Dr. Hre Mang, Pu Zo Tun Hmung le Dr. Hai Vung Lian hmanh ka ngamh hna, ka kian hna lai lo, tiah Chelsea Bawi nih a ti” tiin Online media pawl nih an ka ti hoi.

Fianternak: Laipa nih Mizoram i Dr. PC Biaksiama catialmi a lehmi ka comment mi ah Dr. PC cu doctor degree cucu a ngah kha khah a ngah, tiin an chim faktuk i ka ing an ka puanh nawn caah; catang san pet in ai san lo, a chimmi pawl khi lih an si chirhchan zong a ngei lo. California ka hawipa nih a ka chim ko asi ti luala in hme ca a tial ko khi ka ti hna.

An thin a hung i cawnnak lei theo in an ka comment caah kai thawh i “Mizoram i doctorate degree la mi luklak hna cu Harvard University kaimi Pu ZTH, Dr, HVL le Dr. HM hmanh tulio election kong koko ahcun kan kian hna hnga hme maw?” Tiin ka comment mi bak kha Chelsea Bawi nih cu hna cu a zuamcawh hna tiin Online Media kutdok pawl nih an ka ti ko cu teh! An hram in ka bongh lawlaw hna lai ka tiin nain kai sumtuk. Tu hnu cu mi bia asi lo ning piin chimter, merhpiak, perh hlei piak le chap piak hi hmang ti sawh hna hlah usih. Credit: Chelsea Bawi