Champions League-Ah Ronaldo Nih Philh Awk Tha Loin A Tuah Mi Pathum Hi Messi Nih A Tuah Kho Rih Lo, Hi Hnu Zongah A Tuah Kho Lai Lo.

Sport

Champions League-Ah Ronaldo Nih Philh Awk Tha Loin A Tuah Mi Pathum Hi Messi Nih A Tuah Kho Rih Lo, Hi Hnu Zongah A Tuah Kho Lai Lo.

Image result for ronaldo vs messi

Kan theih bantuk in vawlei cung football-ah cun Cristiano Ronaldo le Lionel Messi ah kongah hin bia alnak a dong kho bal lo i, Hi hnu zongah a si peng rih lai. Laimi chung hmanh in Ronaldo ttanhtu le Messi ttanhtu um cio a si. Ho paoh nih mah le ttanh deuh mi cu thiam ah pek cio zong a si.

Messi hi a umnak Barcelona club caah title tampi zong a lakpi hna pinah League lei deuh in mintthatnak le teinak a hmu deuh mi a si. Champions League le a ram Argentina caah hin cun Ronaldo bantuk in chim ding a umtuk lem lo. Cun Ronaldo bantuk in Champions League ah hin cun record ttha hi a ngeituk fawn lo. League tu ahcun Ronaldo nak in goals zong tam deuh a ngei i, record zong a ngei deuh ve.

Image result for ronaldo vs messi

Ronaldo tu hi cu Messi bantuk in club pakhat le League pakhat lawngah a chuih mi a si ve lo. Manchester United in Real Madrid ah a tthial. Real Madrid in Juventus-ah a tthial tthan tikah club dang le League dang dang ah a chuih tikah cun Messi bantuk in League ah hin cun title a lakmi zong a tlawm deuh kho i, goals zong a tlawm deuh kho men. Nain a umnak club paoh ah record ttha le tuanbia thar cu a ttial dih tthiamtthiam pinah a ram ca zongah teinak a hmuhpi fawn hna.

A cunglei kong he pehtlai in Champions League-ah Messi nih Ronaldo a tluk lonak le hi hnu zongah a tluk khawh ti lo ding mi pathum kan rak langhter.

Image result for ronaldo

Real Madrid a rak um lio ah Ronaldo nih hin Real cu Champions League thihnak khurchung in a rak khamh cang hna. Cu cu zeidah a si ti ahcun 2016-ah Champions League quarter final-ah Real Madrid le Wolfsburg an rak chuih i, first leg-ah Real cu Wolfsburg nih 2-0 in an rak tei hna. Kha lio ah khan Real hi quarter final-in an tla lai tiin ruah cio a si.

Sinain Real Madrid home-ah second leg an chuih tthan i, Mah lio ah Cristiano Ronaldo nih Wolfsburg lak ah goals thum a rak sut i hattrick zong a rak siam. Real Madrid cu thihnak chungin a rak khamh hna pinah champion zong a rak hmuh pi fawn hna.

Cun nizaan a thil tuah mi kan hmuh tthan rih. Champions League round of 16-ah Atletico Madrid nih first leg-ah Juventus cu 2-0 in an tei hna caah tam deuh nih cun quarter final-ah Atletico Madrid cu lut sa ding bantuk in zumh le ruah deuh cio a si. Nain an chuih taktak tikah ahcun Juventus nih 3-0 in an tei hna caah quarter nifal an lut kho. Mah goals thum hi Ronaldo golas mi lawngte an si rih. Cu ruangah Ronaldo nih Juventus cu Champions League thihnak khurchung in a khamh hna pin ah hattrick a siam pin ah Juventus ah a um bal lomi record a siam fawn.

Cu lawng si loin Champions League goals scorer ngeibik cu Ronaldo lawng si rih. Cristiano Ronaldo nih hin goals 124 a ngei i, Lionel Messi nih hin goals 106 lawng a ngei caah Ronaldo nih goals 18 bak in a tei rih. Cu ruangah Messi nih zeitik hmanh ah a tuah khawh lo ding mi le Ronaldo a tluk khawh lonak a si. Tuzaan ah Lyon he an chuih lai i zeidah a lawh te lai. Ronaldo record hi a hrawk kho lai maw?

Leave a Reply