Nizaan ah One Championship Middleweight Champion i cuh in October 30 zaan ah Aung La Nsang le De Ridder cu an i thong i De Ridder nih Aung La Nsang cu a Roun 1 nak ah a tei. Puai a dih hnu ah an pahnih tein biahalnak an tuah hna i a tanglei ah kan rak langhter.

Aung La Nsang nih De Ridder he an i thonghnak kongah a chimmi cu,“Champion taisawm cuh in De Ridder hi ka zuam cawh ṭhan lai maw? siloah midang he dah kan i thongh hmasat lai timi cu ṭuanngeitu hna kutah ka chiah. I thongh dingin timhcia ka si. Tutan i kan puai kong he pehtlai in De Ridder a cawlcangh ning cu ka upat tuk hringhran.

“Light Heavyweight ah Champion taisawm a put lio mi ka si nain, atu ahcun Middleweight ah um rih ka duh. Middleweight dirhmun in kum dih hlan ah puaikht tel i thongh ta ka duh. De Ridder he i thongh ṭhan dingin le midang he i thongh dingin puaikhat thongh zong a ngah rih. Kum dih hlan ah voikhat i thongh ṭhan ka duh.

“A ka rehtlaihning a feh tuk ruangah amah lei ka mer kho lo. A ka rehmi phoih ka timh ko nain, a ka rehning a feh tuk caah a ngah lo. Ka hnulei in a ka reh ah cawlcang kho lo dingin a ka reh. Light Heavyweight Champion i cuh ding zong ṭuanvongeitu kut ah a um,”tiah Aung La Nsang nih cun a chim.

De Ridder nih a chim ve mi cu,“Na ruahning lengin a tei fawi tuk tiin biahal a um ahcun, ka ruat lo, a ruang cu a hramthawk tein fawi zaang tein ka tei lai tiah ka chim cia ko. Aung La Nsang he kan i thongh khawhmi cu a sunlawi hleiah, i thongh a thiam bakmi Champion tei in Champion taisawm ka lakmi cu ka lunghmuih tuk.

“A hngawngah ka reh khawh cun ka thlah ti lai timi cu amah zong nih aa theih. Hibantukin reh le tlaih dingah timhtuahnak fak piin ka ngei i tutan ah tlamtling tein ka tuah khawhmi cu ka lung diriam taktak. Ka reh khawh ahcun a chuak kho ti lai lo timi ka fiang tuk i a herh si ahcun inn tiang hmanh reh buin a hruai ko ding dirhmun ah ka um. A hnulei in ka reh khawh hnuah ka zaang dam tuk.

“Jiu Jitsu ahcun tei ding minung ka si loh. Myanmar mipi sinah biacah ka duhmi cu Aung La Nsang hi mi ṭhuat thiam a si tikah, a rak kir ṭhan ko lai. Myanmar caah paralṭha a si i a milem tiang tuah a si tikah a rak kir ṭhan ko lai. Aung La Nsang cu Rounh 2 nak ah ka tei lai tiin ahlan tein ka chim cia, nain cu hlan ah ka tei. Atu rih ahcun midang he i thong rih ko sehlaw kei caah cun zeipipa a si loh. Tha dam tein ka din rih lai i ka chungkhar sinah ka kir rih lai. Ka nupi le ka fale pawl ka ngai tuk hna,”tiah De Ridder nih cun a chim. Chirhchan: One Championship

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he Admin