CDM Tuah A Duh Lomi Hna Sin Biacah! Dear CDM a dirpi lomi hna, 1. Nifatin inn le lo rian kal tak in zalam tlang ah duh lonak an langhter mi khi sullam ngeih na duh a si ahcun uknak kan lak ṭhan hlan lo cu na zung lei kha rak panh rih hlah. 2. Ramdang a ummi hna nih mitkuh fe tein an in aupimi hna le tangka an in kholhmi hi sullam ngei seh ti na duh ahcun na paw cawmnak rian kha chikkhat tein vun din tak ta ko. A si khawh chung in na ei ding kongah ramdang ummi Laimi an i zuam lio ko.

3. Cozah rian ṭuanin paw aa cawm ve komi na hawikom hna nih ram daihnak ding caah tiin an rian an i dinh chungmi hi na upat a si ahcun na rian cu chikkhat chia ta ko. Hawi bon lo i bon hi fim lo phun khat a si. 4. Ei lo cun na thi bal lai lo. Zu le va te hmanh rawl loin a chia lotu Pathian a si. Ramdang a ummi nan kan bochan a si ahcun na rian hi caan tawite chung cu kal tak rih ko.

5. Hawi dang ram le miphun caah nunnak an pek, an nunnak an sung. Mah lio caan ah na tangka na sungh dingmi cu siang ve hram ko. Laimi cu Khrihfa kan si ko hna. A fawi bak lai lo ti cu kan in theihthiam cio ko hna. Nan mawh hrim hrim lo nain hmailei cu pei kan i ruahchan cu. 6. Kan caan kan mitthli le kan chawva man hi sullam ngeihter na duh ahcun CDM te hi dirpi ta rih ko. Miphun na dawt bak a si ko ahcun miphun zawnruahnak ngei ve hram ko.

7. Kawl ralkap cozah hi kan doh khawh lo a si ahcun, nangmah lawng na tem lai lo. Na hmailei techin fa nih an tem khawh dingmi a si ah. Caan tawi chung te hi cu a ram ummi heih na si fam cu vun tuar hram hram ko. Note: A ho hmanh rian kaltak cu an siang cio lo i mah unau a si lomi caah phaisa kuat zong hi an siang cio lo. Nain miphun a himnak ding ahcun ram chung ram leng he an ṭannnak zawn te hi nangmah pakhat ruangah pakpalawng ai chuah a si ahcun na thih sia a rem tuk lem lai lo. Cucaah CDM hi na duh lo tuk zongah rak dirpi ve hram ko. Credit: Nusung Htg – Nunu