CDM Nih A Tei Khawh Lo Cun Chin Miphun Vialte CNF/A Kan Ttuan Dih Hau

Chin News

Chin Ram ah Teinak Hmuh Kan Duh. Zeidah A Herh Mi Asi? CMD-Mipi- CNA Ka Ti Ko. Pakhat nak ah CNA kan chuah sual lo abiapi. Tu lio ahhin Kawl miphun caah siseh tlangcungmi kan caah zongah siseh kan duh mi le kan I timhmi cu Federal Democracy ngah le phanh kho hi asi thiamthiam ko lai tiin zumh asi. Cun CRPH bu zong nih a timhmi hi asi ve ko lai. CRPH nih a timhmi tampi lakah Federal Army hi pakhat ah a telh ve mi asi.

May be an image of 4 people, military uniform, outdoors and text

CDM nih a tei khawh hna lo asi ahcun Chin Miphun vialte nih CNA/CNF kan tuan dih ahau lai tiin ka hmuh. Kan tei hna zongah Federal Army caah miphun mino tampi kan herh lai Federal Army caah tiin ka ruah ve. Cucaah kan ram thlenhnak ding caah Chin mino nih CNA ah lut hi pakhat nak lam zong asi tiin ka hmu.

May be an image of one or more people, people standing and crowd

Federal Democracy kan duh lio ah kan thazong bik asi mi pakhat cu CDM hi asi. Mipi hi pahnihnak an asi. Pathumnak ah CNA an asi ve. Cucaah mipi nih thisen chuah lo in duhlonak kan langterh lengmang lai. Cozah riantuan pawl nih CDM kan lut dih ve lai. CNA nih zong mipi lungthin le thazong thawnter ding ah kan um ko kan i dirpi ve ko ti hi an langter ve ahau.

CDM an hmannak thawngin an ram athleng kho mi ram tampi an um cang. CDM hi nonviolence raldonak ah asang bik mi asi. Cucaah kan chimram zongah mipi le police pawl an i ton sual ahcun kir ko ulaw mipi nih an ti peng mi kha Chinram ah thisenchuah le nunnak liam lo in teinak hmuh kan duh kan ti mi asi.

Cu ve bantuk in CNA/CNF zong hi an him ahcun kan caah atha bik ko, tu lio kan sining zoh in. kanmah pawl nakin ram le miphun caah nunnak pek in a tuan ngammi an si caah dakaw CNA/CNF ah a lutmi an si ti hi kan theihpiak khawh hna ahcun kan caah atha bik ko lai. Cattialtu: Chawche Bawi Za Kham

Leave a Reply