CDM Ah Aa Tel Lomi Falam District Uktu U Yi Mon Cu A Fale Nih Hringtu Pa Sinak In An Hlawt!

Chin News

CDM ah aa Tel Lomi Falam District Uktu U Yi Mon cu a Fanu le nih Hringtu Pa Sinak in an Hlawt! CDM ah aa tel lo pin ah CDM a tuahmi pawl biachiakha in a hrocer i a tlerhkhawngtu Falam District Administration zung i Deputy Director U Yi Mon cu a fanule pahnih nih hringtu pa sinak in an hlawt tiah theih a si. U Yi Mon i a fanu upa deuh Thiri Mon nih “A kan hringtu kan pa a simi U Yi Mon he kan dirhmun aa khat ti lo.

May be an image of 1 person and standing

CDM ah aa tel lo pin ah CDM a tuahmi zung rianttuan pawl biachiakha i a tlerhkhawn hna a hro hna. Cucaah nihin ni thawk in U Yi Mon he pehtlaihnak kan ngei ti hna lo. Hringtu pa sinak in kan hlawt i zei a ton paoh ah kan i ceih ti lai lo” tiah a Facebook ah a ttial. “Kannih a fale tu cu kan kalpi mi lam hi hmai kan nor lai. Dothlennak kan tei hlanlo hnu kan chi lai lo. U Yi Mon hi a umnak zatlang zong nih zatlang dantatnak “Social Punishment” kan tuahpiak u” tiah a langhter chap. Credit: The Chin Journa & Thiri Mon

Relchih: Mawhchiatnak cu a si lo. A chungmuru in van sawh koning Thinhunnak ngeih loin khuaruatnak tu in zoh deuh aherh. CNA le CNF karah lawngah a si lo. Laimi chungah hi lungput nih ram a hrawhtu le buaihnak nganbik le hnahnawhnak nganbik chuahpi tu a si.. Hruaihtu tha hi Laimi chungah an tlom tuk.. Hruaihtu aa timi poah hi mah miaknak le eimuar -mah minthat-upat le ttihzah duhnak mi nih ka thangthat Hna seh timi a kawlmi thinlung hi a tlau ta lo ahcun teihnak hmuh nak lam a um lo,laimi tampi ruahnak cu upa hruaihtu ka tuan lai i Min Aung Hliang ruahnak a ngeihmi an tam deuh tiah ka hmuh. Mah minthatnak-mah miaknak mi nih upat le bochan duh tukmi hruaihtu a tlau ta lo ahcun teihnak a um kho lo. Sal thinlung a tlau ta lo ahcun teihnak a um kho lo..

Laimi tampi nih ngeihmi ruahnak a si.. Midang upat le conghlawmh thangthatnak an hei duh sawhsawh men lawng khi an rumra a si ko. Thinlung thiang a um lo ahcun teihnak a um kho lo, hruaihtu tha an chuak kho lo..tuah kho taktak mi le bochan awktlak taktak le ngeihmi an ngeih fawn lo, min le upat thangthat cu an hei duh ngai fawn.. Chim duhmi cu laimi lungput fih a nung a sinak kha ka chim duh. Taktak ah tuah khomi zeihman an ngeih lo.

A donghnak an phichuak cu mah miaknak le mah lianngannak le minthatnak upat conghlawmhnak si an duh caah a si..an I tlaihmi cu khua le ram caah an ti nain Anmah ca’h lianngannak minthatnak upat conghlawmhnak ca’h tu ah a rak si deuh. Cuhcuh Mawhchiat le zeirel lo caah si loin an theihthiam lo ca’h zongah a si kho men theihthiam nak a tlom caah le hmuhtonnak a tlom caah a si kho men sining phan lo caah a si kho men hrasatnak ruang ah a si kho men chambau ruangah a si kho men Ko.

A Biapi piatanaa cu cunglei tialmi lungput Hna kha hrawhtu le buiahnak chuahpi tu hnahnawh nak chuahpi tu ral nganbik a si. Hi ca ka tial ruangah huatnak le bia tampi ka tong kho nain hlo a herhmi lungput ziaza a si caah siaherhnak in ka van tial.Hi bantuk lungput hi sal lungput a si. Cattialtu: Anna Suihleisung Zaathang

Leave a Reply