Cbcusa-Gs Nih Press Conference A Tuahpi Hna A Sunglawi Tuk Hringhran (Video)
“Cbcusa-Gs Nih Press Conference A Tuahpi Hna”: US Chin Krifabu 100 renglo ai fonhmi bu CBCUSA-General Secretary Rev. Dr. Thlaawr Bawihrin nih Aug. 14 zanlei 2:00 ah Indianapolis i hram a bunhmi Chin Krifabu kip pastor pawl a sawm hna i kum khat chung CBCSA cawlcanghnak le rianṭuan cangmi pawl theihternak (Press Conference) a tuahpi hna. CBCUSA-GS le ICBM director nih an chimmi chungin theih awktlaak pawl atang ah.
Halkha i Chin Convention Center (innpi) saknak ding hmun an kan pekmi cu vawlei zoh thiam pawl nih an zoh cang i vawlei a fehnak hmun a si ko an ti nain innpi hi hme deuh in sak a hau an ti i pe 30 hrawng in hmetter a si lai. A saknak ding phaisa hi $200,000 hrawng kan ngei cang i vawlei zohtu hna nihlawh ah $50,000 cu kan hman tiah GS pa nih a chim.
Thlanglei Chinram i biakinn sakpiakmi hna pawl biakinn hmanthlak le saknak khua min cazin kuat ding i kan halmi hna an kan kuat khawh lo caah thla khat ah $10,000 hrawng kuat tawnmi biakinn saknak project kan ngolter chung tiah ICBM director Rev. Dr. Van Thawng Lian nih a chim.
Thlanglei Chinram in Bible sianginn kaimi schokarship kan pekmi hna hi chuak lak i a kai khomi an um set lo caah a kai duhmi an um ahcun chaklei Chinram minung zong kaiter dingin lam kan on an ti.
Kawl biaknak (Buddha) a biami pahnih bible sianginn kan kaitermi hna an um i Krihfa a simi pawl naak in bible rel le thlacam an teima/fel deuh an kan ti tiah an chim. Nih zong a chuak pah nain khua zong a kan ruahter.
Thlanglei Chinram kan tlawn lio ah Kawlholh in နေကောင်းလား kan ti hna i anmah tu nih Laiholh in “saya kan dam ko” an kan ti an ti. Zeitin dah Laiholh nan thiam kan ti hna i Hakha i sianginn nan kan kaitermi kan si an kan ti an ti. CBCUSA nih thlang Lei Chinram in Hakha ah kum khat ah minung 40 sianginn an kaiter hna i santlaih ngai dawh in an chim.
CBCUSA nih Halkha Bible ca uk 20,000 kan siamter i atu hi a dih colh. A ting lomi an tamtuk rih caah uk 5000 in kan chuah ṭhan lai ti an ti. April 22, 2020 ah Lawngtlai i tuah timhmi ICCYF khawmpi cu khawmpi dang he ai kalhmi um ruang ah kum 2020 April 15-19 i tuah dingmi Chin Music Festival he tu tuahṭi dingin let a si an ti.
Washington DC i immigration lei lutlai he kan i ton lio ah an kan chimhmi cu Refugee Fraud Case kong hi rianṭuantu kan i daih lo ruang ah kan ngol chungmi a si, a rauh hlan ah kan pehzulh zau lai tiah an kan chimh i Refugee Advocacy Committee ser le ngeih kan herh lai ti nan ruat maw tiah GS pa nih ruahnak a hal hna. A herh ningin Chinmi upa dang hna he zong khuakhaan ṭi i timhtuahnak kan ngeih cia a herh ko lai tiah ai telmi upa dang zong nih ruahnak chim cio a si. Credit: The Chin Voice
CBCUSA-GS NIH PRESS CONFERENCE A TUAHPI HNA——————————————–———🌐 US Chin Krifabu 100 renglo ai fonhmi bu CBCUSA-General Secretary Rev. Dr. Thlaawr Bawihrin nih Aug. 14 zanlei 2:00 ah Indianapolis i hram a bunhmi Chin Krifabu kip pastor pawl a sawm hna i kum khat chung CBCSA cawlcanghnak le rianṭuan cangmi pawl theihternak (Press Conference) a tuahpi hna. CBCUSA-GS le ICBM director nih an chimmi chungin theih awktlaak pawl atang ah…🤷♂️✅ Halkha i Chin Convention Center (innpi) saknak ding hmun an kan pekmi cu vawlei zoh thiam pawl nih an zoh cang i vawlei a fehnak hmun a si ko an ti nain innpi hi hme deuh in sak a hau an ti i pe 30 hrawng in hmetter a si lai. A saknak ding phaisa hi $200,000 hrawng kan ngei cang i vawlei zohtu hna nihlawh ah $50,000 cu kan hman tiah GS pa nih a chim.✅ Thlanglei Chinram i biakinn sakpiakmi hna pawl biakinn hmanthlak le saknak khua min cazin kuat ding i kan halmi hna an kan kuat khawh lo caah thla khat ah $10,000 hrawng kuat tawnmi biakinn saknak project kan ngolter chung tiah ICBM director Rev. Dr. Van Thawng Lian nih a chim. 🤷♂️ Thlanglei Chinram in Bible sianginn kaimi schokarship kan pekmi hna hi chuak lak i a kai khomi an um set lo caah a kai duhmi an um ahcun chaklei Chinram minung zong kaiter dingin lam kan on an ti.🤷♂️ Kawl biaknak (Buddha) a biami pahnih Hakha ah high school kan kaitermi hna an um i Krihfa a simi pawl naak in bible rel le thlacam an teima/fel deuh an kan ti tiah an chim. Nih zong a chuak pah nain khua zong a kan ruahter.🤷♂️✅ Thlanglei Chinram kan tlawn lio ah Kawlholh in နေကောင်းလား kan ti hna i anmah tu nih Laiholh in “saya kan dam ko” an kan ti an ti. Zeitin dah Laiholh nan thiam kan ti hna i Hakha i sianginn nan kan kaitermi kan si an kan ti an ti. CBCUSA nih thlang Lei Chinram in Hakha ah kum khat ah minung 40 sianginn an kaiter hna i santlaih ngai dawh in an chim.🌐 CBCUSA nih Halkha Bible ca uk 20,000 kan siamter i atu hi a dih colh. A ting lomi an tamtuk rih caah uk 5000 in kan chuah ṭhan lai ti an ti.🗣 April 22, 2020 ah Lawngtlai i tuah timhmi ICCYC khawmpi cu khawmpi dang he ai kalhmi um ruang ah kum 2020 April 15-19 i Thantlang ah tuah dingmi Chin Music Festival he tu tuahṭi dingin let a si an ti. 👨🏫 Washington DC i immigration lei lutlai he kan i ton lio ah an kan chimhmi cu Refugee Fraud Case kong hi rianṭuantu kan i daih lo ruang ah kan ngol chungmi a si, a rauh hlan ah kan pehzulh zau lai tiah an kan chimh i Refugee Advocacy Committee ser le ngeih kan herh lai ti nan ruat maw tiah GS pa nih ruahnak a hal hna. A herh ningin Chinmi upa dang hna he zong khuakhaan ṭi i timhtuahnak kan ngeih cia a herh ko lai tiah ai telmi upa dang zong nih ruahnak chim cio a si.
Posted by The Chin Voice on Thursday, 15 August 2019