Cawk Ding A Halmi Denmark Nih An Sian lo Caah Denmark Tlawn Aa Thim Mi Trump Nih A Let Tthan

World News

Cawk Ding A Halmi Denmark Nih An Sian lo Caah Denmark Tlawn Aa Thim Mi Trump Nih A Let Tthan

Image result for greenland

US President Trump nih vawlei cung Island nganbik, vurin 80% tluk a nenh mi”Greenland” cu cawk a duh. Hi kongah Denmark /Danish PM Mette Federicksen he Sept 2-3 an i tonnak an ngaih lio ah ceihttinak nngaih ding a chim. Sinain Trump nih Copenhagen kal dingin timhlamhnak a ngeihmi cu ruah lo piin cancel tthan. A ruang a chim mi cu “Greenland Island hi an sian lo ruangah a si”tiin a chim. Hi kong hi Denmark ka tlawn lio ah ceih khannak ngaih ding an sian ttung lo ahcun caan hna ka ngaih ahcun voidang ah ka rak tlawng te lai,”tiah a chim.

Hi kong hi chim ceih a tam ngaingai i, Donald Trump lungput cu chim chung khawh si lo tiah an chim ve. Danish PM Mette Fredericksen-nih cun Greendland cu zuar ding phung si lo (not for sale) a ti ve. Hi bantukin Trump-nih ram pahnih karlak tonbiaruahnak ngaih ding in ruahmannak kalpi dih a si cang mi a let tthanmi cu zei i rello a si,”tiah a chim fawn.

Image result for greenland

Greenland hi American mipi hna nih dinh caan hmannak ah an hman khun mi a si i, Trump-cawk a duhnak cu China zong nih cawk i, a ra laimi caan ah Arctic ramah Chinese Military Base a um ding an ttih. Cun, China economy a tthancho tikah Arctic Ocean ah “Polar Silk Road” ser in, China nih um hmun an khur sual lai timi an phan caah si.

Kum 2018 ah khan Greenland ah airport sak dingin China nih ruahmannak an rak ngaih. Sinain a hnuah cancel a si tthan. US nih hin vurram Alaska zong a cawk cang i, ram venhimnak biapi taktak hmun caah Alaska hi a hman lio si. Greenland ah hin minung 58,000 hrawng an um i, 80% tluk hi vur nih a khuh dih mi a si. cun, 811,000sq miles kau a si fawn.

Denmark ram nih hin kum zabu 18 lio khan Greenland hi a rak uk (colonized) in, mah hmun i a um mi hna tam deuh cu “indigenous people” an timi “Greenlandic Inuit” an si. Cun, Greenland ram hi seafood, fish stocks, energy a ngei tam mi zong an si.

Image result for greenland

Greenland hi US President Harry Truman zong nih 1946 ah khan cawk ding in a rak hal cang mi a si. Atu ah Donald Trump-nih cawk a timhnak kongah Republican Donors hna zong nih an hnatlak pi cio.

Greenland Island hi semi-autonomous an si cang i, US nih cun North Atlantic ram venhimnak dingah kum 1943 ah khan Thule Air Base-ah Satellite le Missile Early Warning System-high tech thil hna cu a rak bunh dih cang mi a si.

Leave a Reply