Chin miphun le ram caah nunnak pekin riantuanmi hna CNF/CNA caah kan hnu zarh ah khan kawlram phaisa in KS 1,000,000 a hlut. Cu lawng si loin AA le Kawl ralkap ruangah ei lo dinglo in khuaruahhar chimpit vansang au in a ummi Paletwa Chinmi hna caah Ks 1,000,000 bawmhnak cu nihin ah a pek rih hna. CVan Thawng Kam hi kumkhua in hngakchiate a si ko nain miphun caah thuk piin ruahnak a ngeimi a si. Nupi ngeimi a si I nu le pa a ngeimi a si ko. Zeitlukin dah a nupi le anu le pa sinah kua hnasehlaw chungkhar khuasak tintuknak ah a thahnem lai ti zong atheih dih ko. Cu buin miphun le ram dawttuk ruangah hi zat zat phaisa hi a hlutmi asi. Tu lio vawleicung thawngpang ruangah mah le chungkhar runven aherhtuk ti zong a theih ko.

CVan Thawng Kam hi upat pek tlak a si. Aliamcia Myanmar Idol lio zongah khan Benjamin le Esther caah tampi phaisa a rak dih cang. Cu kong he aa pehtlaiin a rak chimmi pakhat cu, Benjamin zong ka si khawh tawkin ka voting mee ka pek I Esther zong ka pek ve. Zeiruangah dah Esther hi tam deuh ka pek ti ah cun hawikom aa theimi ka si. Cun, keimah hi hlasak a uartukmi ka si pinah Esther cu kanmah Hakha( kanfar, kannau, kan miphun hawi, kanmah Hakha) a si. Esther hi athiamlo ruangah atlami sisehlaw kaa lungsak ko lai. Nain athiamtuk ko buin voting mee ruangah atla sual lai ti hi ka phang tuk.

Cu caah Esther cungah tam deuh voting mee ka pek hi a si. Hawikom sinak ruangah ka tuahmi cungah mawhchiat ding ka si lo. Cun, Esther hi ka zohtikah pakhatnak alak khawhnak dingah hin kaa zuam ve tiah arak ti i Christmas ni ah $ 1000 =MMK 1775306 a rak kuat. Adihlakin phaisa adihmi hi US $ 2500 tluk a si.Tutan zongah CNA le Paletwa Chin ralzam hna caah kawlram phaisa in 2,000,000 MMK bawmhnak a pek than. Pathian nih atuan kawlnak ah taksa damnak thluachuah pe sehlaw hmailei zongah miphun le ram caah thazaang tampi achuahtu si zungzal ko seh. Credit: Chinforum Website