By Zasang Cinzah: Tulio ah urgent in theih a herh taktakmi cu: Media an si ah, pumpak in catial le post mi kan si ah CDM ah hruaitu min langhter le phuannak tuah bak lo ding a si. Ralkap nih ahodah CDM hruaitu timi an theih lo ding a biapi tuk. CHIN mi dihlak kha CDM hruaitu an si ko tiah an ruah a hau.

Tulio cawlcanghnak cu, ral doh lio, battle ground um lio a si caah himnak le teinak a biapi tuk. Abik in ram chung lei ca an taarmi kha, share loin copy- paste tu in nan timeline an taar cio u. Ahodah original taar tu a si tiah an theih lo ding a biapi fawn. Tulio ahcun kan ral pa pakhat tei lawng hi focus cio ding a si.

Relchih: CDM Cawlcanghnak le Nu Hni! Sandah piahtu hna cu hriamnam an ngeih ve lo caah anmah le an thluak cio an hman ve i, ralkap pawl cu a phunphun i an doh ve hna. Mah lak ah nu hni zaar hi hriamnam phun khat in an hman ve. Rangoon khuachung Tamwe ah ralkap pawl khamnak caah nu hni an zaar i, ralkap pawl an rak doh hna.

Kawl phung ah nu hni hi a suar an ti. Nu hni tang i a lutmi cu an thawnnak huham a zor tiah an ruah caah pa a simi paoh nih nu hni tangah luh an duh lo. Mah nak in a pin deuhmi bawngbi chungnawh zong hman a herh caan an phan kho men. By Salai Lairamthang