By Rolian: Zahnak tlang, Vanzang tlang, Khualhringtlang khua mi vialte nih CNLD ah vote pek ding in CNF/A nih nawl an chuah

Chin News

By Rolian: Zahnak tlang, Vanzang tlang, Khualhringtlang khua mi vialte nih CNLD ah vote pek ding in CNF/A nih nawl an chuah. Naite Zahnak tlang, Vanzang tlang, Khualhringtlang khuate kan tlawnnak ah CNF/A nih khua mi hna cu CNLD ah vote pek hrimhrim dingin khuate bia an cah dih hna tiah kan theih.

Naite ah CNF/A hriamtlai phu nih Zahnak tlang, Vanzang tlang, Khualhringtlang khuate Pastor le khuabawi vialte an auh hna i CNF/A ah vote nan thlak dih lai tiah an ti hna. Cheu khat khaute cu hrocer an tong. Bungkhua khuami pakhat zong nih “CNLD nan vote lo ahcun CNF/A nih nan kut an cik hna lai tiah an khuabawi pa nih a ti hna” tiah khuami minlanghter a duh lo mi pakaht nih aa kan chimh.

November 2/2020 ah Khuafo khuami le NLD party tonnak ah khuami pakhat nih a chim mi cu “Vote pek kong ah hrocer kan tong” tiah achim ve. Khua upa pakhat nih “CNLD ah vote rak pe hna She, a pe lomi hna cu an min cazin kan rak lak hna lai tiah CNF/A nih aa kan ti” tiah khua upa pakhat nih aa kan chimh.

Naite ah CNF/A phu nih Zahnak tlang, Vanzang tlang, Khualhringtlang khuate khuami Pastor le khuabawi ah auh hna lio ah Khualhringtlang in Lungzarh khua bawi a kal lo caah atu hi an auh than tiah an chim rih. Hi kong he pehtlai in khua mi cheu khat nihcun tih phan ruang ah vote pek nak thinlung ngeih lo ti bantuk le duh lo buin tihphan ruang ah CNLD vote pek aa tim mi zong an um.

Tutan Zahnak tlang, Vanzang tlang, Khualhringtlang khuate khuabawi le pastor te an auh hna lio ah Solomon Thang Ding, Pu Zingcung, Pu That Ni, Dr. Sui Khar le Dr. Lian Hmung Sakhong zong an i tel tiah khuami nih an chim. Hi kong he pehtlai in a cunglei CNF/A kan pa le an i tel le tel lo kan hlat kho rih lo caah khuami nih an chim ning hi vial lawng kan van langhter rih. By Rolian (The Voiec Of Democracy0

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, Chin World News Evening kan ṭialmi thawngpang paoh sml 24 a tlin hlan ah mizei hmanh nih copy-paste tuah kan siang lo. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin

Leave a Reply