Hakha university kongah Hrambik Lian nih a chim mi hi kei cu tthatuk tiah ka ruah. Nangtah zeitin na ruah ve? “Kei cu Halha University ti hi a ttha ko tiah ka ruah. Chin State University ti ahcun Chin State nih hi University pakhat lawng hi a ngei peng dingmi khi a lawhter ka ti. Dr. Sa Sa nih Chin State development caah a vision a chimmi kha ka uar ngai. Chin State ah township 9 a um i Cu Township 9 ahcun University/College pakhat cio cu a um a hau, a timi kha kan hmuitinh deuh ding ah ka ruah ko.

Township 9 ning in university ngeih cio dih cu thil cang kho a si lo zongah, Northern Chin lei ah pakhat soutt Chin lei ah pakhat ti bantuk i geography in aa hlatnak hmun khuapi kip ahcun kan ngeih hrimhrim khawh nak hnga tu i zuam ding ah ka ruah deuh.

Cun, University hi cu a ummnak khuapi min chirhchan in auh ah a ttha bik ko. Matupi zong ah um sehlaw Matupi University ti khi aa dawh bik ko, ka ti. Matupi Township University hei ti bantuk Chin State University hei ti bantuk khi cu a min zoh bak khin lungrual lonak theipar a si a lang tuk lai. By Hrambik Lian

Sang Hre: For the sake of unity, Chin State’s Government should consider renaming Hakha University as Chin State University. Miphun kan i rualrem nak caah Hakha University tiah min pek cang mi hi Chin State University tiah a min thleng ding in kan Chin Cozah nih kan tuak tan piak hna seh law a tha tuk ko hnga. Nang teh zei tin na ruah ve?

Chaklei le tlanglei kan Chin unau pawl online cung in an zai le an catial mi ka hmuh ah tuk hna a sum. Khua ruah har miphun pakhat zong kan rak si hrim. Kan khua kan ram te ah thil tuah piak lo paoh ahcun kan miphun ca a si ko ti hi Chin miphun – mino le upa tampi nih a tak in an rak cohlang kho hrim deuh rih rua lo. Hramhram in Hakha ah sianginn a kan kai ter lai ti in a zai mi an tlawm ti lo.