Bushfire Relief Concert Thawngthanh Le Theihternak

Thawngpang

Bushfire Relief Concert Thawngthanh: 13 March ah hlunghlai taktak in kan tuah ding mi Bushfire Relief Concert cu a nai chin thluahmah cang. Tulio kawlram pumpi a hnin cuahmah mi Myanmar Idol winner (Esther Dawt Chin Sung – Esther DCS ) le pahnihnak a la mi (Benjamin Sum – Benjamin Sum ) zong an rak i thawh cang. Thaizing (10 March) an phan cang lai.

Image may contain: 2 people

Tutan Bushfire Relief concert cu Cozah lei minung le pawngkam kan hawi le media hna lungthin a suk ngai ngai caah Cozah lei in siseh, media (SBS English – national) in siseh CFA (Country Fire Authority) le pawngkam local Cozah kan hawi tampi an rak ra lai. Thaizaan hi Fan Night kan tuah lai. Esther le Benjamin ton khawh an si lai. Hmanthlak pi khawh an si lai. Nazii- 5:30 pm – 7:00 pm lawng kan tuah lai. Ahmun: Coopersmith Pavilion Ringwood East (Chin Community Victoria Centre)

Image may contain: 1 person, standing, shoes, basketball court and indoor

Theihternak: 1. Hall hi tuan deuh ah timhtuahnak kan tuah kho lai lo caah 6:35 pm in kan in luhter hna lai. 2. Hall hi Sianginn ta a si caah zuu i ken le hall pawngkam ah kuak zuk a ngah lai lo. 3. Ticket na cawk ko zongah zuu ri mi cu lawi ter a si lai. 4. Atu tan ah zuu palang le kuak bul an cher ahcun zei tin hmanh ah Chin community nih hmanh awk a tha ding a si ti lo caah tha tein theihternak kan in tuah hna. 5. Ticket hi cu pakhat ah $40 a si. 6. Nu le pa ticket a caw mi nih kum 15 tang fa nau nan i ken hna ahcun a hmun ah kutka pawng ah fa nau le caah men pek a si lai. Tha tein kan in zawnruah piak ko hna lai. Ref: Australia Chin Community – EM

Leave a Reply