Nizaan zarhpini September 06 ah Bungtlang khua ah JCB vawlei suahnak kheng nih hngakchia a thlet sual hna i a hmun ah minung  2 an thi, minung 5 Thantlang siizung ah an rat pi hna i an fak ngaingai tiah kan theih.

Hi kong he pehtlai in HC Mang timi nih a tang lei bantuk hin a tarlangh ve, “Tuchun ah Bungtlang khua ah JCB nih ngakchia pa7 cu a hmailei vawlei cawh nak chung ah cuan ter in sangpi ah a cawi hna . Lamk ah a thlet sual hna caah ngakchia pahnih  an thi i a dang (5) hma an pu tiah kan theih.Nngakchia hna hi kum 5 in kum10 karlak an si hna . Athi mi pa2 hna hi Bungtlang khua ah a chiata hna i a nungmi (5) hna hi Thantlang siizung ah an rat pi hna. Hliam a tuar mi minung (5) chungah pahnih hi an zual ngai caah thinphang dai lo an si,  adang pathum hi cu thinphang an um lem lo tiah thawng kan theih” tiah a taar.

Hi thil hi nizaan September 06|09|2020 ah a cangmi a si. A cunglei ah kan langtermi bantukin, hlimahma a tuarmi nih damnak tlamtling an hmuhnak ah thlacamnak in bawm cio hna usih. Ngaihchiatnak a tongmi chungkhar hna zong Pathianl hnem hram ko hna seh.

Note: Hmanthlak an taar chih lo caah kanmah nih Google ta kan lak i kan taar chinmi a si.