Buddist Biaknak In Khrihfa Biaknak A Lutmi Pa Cu A Chungkhar Nih An Hlawt Zawt Fahnak Fak Tuk Atuar

Hikong hi tha tein rak rel ve hmanh thawngpangțha zong asi.U Naing Lin cu thlakhat chung a pawpi le ril lei dam lonak ruangah siizung ah a um. Asinain a nu le pa, a u le nau hna nih Buddist biaknak in Khrihfa zumhnak i a luh caah zeihmanh an ti lo, an zohkhenh duh lo.

U Naing Lin ( 26 ) hi kawl ( Burma ) asi i, amah hi Buddhist chungkhar in a țhangmi asi. Asinain Jesuh Khrih thawngțha a theih ruangah Buddist biaknak in le a nu le pa chungkhar kaltaak in Khrihfa biaknak ah a letmi asi.

Vanchiat ah nupi le fa a ngeih hnuah a pawpi le a rilpem. Cu bantukin harsatnak a ton tikah a nu le pa a chungkhar nih cun caan țha ah i lak riangmang in diriam ngaiin holh dawh lo taktak in an holh hnawh. A pawpi operation an tuah hnuah a rilpem mi an hmuh țhan ruangah thla tampi siizungah um dingin siibawi te nih an ti.

Cu bantuk i harsatnak a ton le lungrethei vansang au in a um lio zongah cun a nu le pa chungkhar hna nih cun na cawh maw? na duh le thi ko kan biaknak chuah taak riangmang in Khrihfa biaknak ah a lutmi na si khah tiah fak taktak in an ti. Cu lawng hlah a chungkhar sinin a hmuhmi thilri zeihmanh a um lo. Asinain U Naing Lin nih cun a zumhmi Jesuh Khhrih cu kaltaak in a chungkhar bawmh hal duhnak ruahnak zeihmanh a ngei hlei lo.

Atu ah le a ril a pem ruangah siizungah i zohkhenh rih a hau fawn. A chungkhar sinin a hmuhmi le a donmi bawmhnak zeihmanh le a hmu fawn lo. Asinain amah konglam fiang tein a thei hngaltu pakhat nih thil umtu ning mipi a theihter dih hna. Cu a konglam mipi a theihter hna hnu minute 1 a tlinah amah chantu ding mipi an hung um țhluamah. Amah fek tein a tleihmi paoh cu Jesuh Khrih nih a zoh sawhsawh hna lo an caah bawm chantu a chiahpiak peng ko hna. A konglam a herhning langhter khawh kan rak izuam țhan lai.